medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Í dag fara fram þrír kynningarfundir um verkefnið Betri rekstur - bætt afkoma, sem Samtök sveitarfélga á Vesturlandi stendur fyrir. Þar býðst starfandi fyrirtækjum á Vesturlandi aðstoð við að meta hvar tækifæri þeirra liggja til að bæra árangur sinn í rekstrinum. „Starfandi fyrirtæki eru burðarás verðmætasköpunar í samfélaginu. Það skiptir því miklu máli að þau séu stöðugt að nýta öll möguleg tækifæri til að bæta rekstur sinn,“ segir Páll Kr Pálsson hagverkfræðingur hjá Áttum ehf, sem hefur umsjón með verkefninu ásamt Ólafi Sveinssyni hjá SSV. Kynningarfundirnir í dag verða í Gamla Kaupfélaginu á Akranesi klukkan 13, Símenntunarmiðstöðinni í Borgarnesi klukkan 16 og í Stjórnsýsluhúsinu í Búðardal klukkan 20. Næstkomandi föstudag verða svo þrír fundir haldnir á Snæfellsnesi; klukkan 10 í Ráðhúsinu í Stykkishólmi, klukkan 13 á bæjarskrifstofunni í Grundarfirði og klukkan 17 í Átthagastofunni í Ólafsvík.

Ólafur Sveinsson er forstöðumaður Atvinnuráðgjafar Vesturlands. Hann segir að fyrirkomulag verkefnisins verði þannig að á fyrrgreindum kynningarfundum verði verkefnið kynnt og fyrirtækjum boðið að fá ráðgjafa frá Áttum ehf. í heimsókn til að meta tækifæri viðkomandi fyrirtækis til að bæta rekstur sinn og gera verkefnistillögu. Við áætlum að fjöldi beiðna á öllu svæðinu verði þetta tólf til átján fyrirtæki,“ segir Ólafur.

Eftir að fyrirtækin hafa sótt um aðstoð munu ráðgjafar heimsækja fyrirtækin og gera tillögu um verkefni og tilboð í vinnslu þeirra. Fyrirtækin verða rukkuð um 25 þúsund krónur fyrir tilboðið, sem þau fá endurgreidd ef þau láta vinna verkefnið. Ákveði fyrirtæki að láta vinna hjá sér verkefni, þá gerir fyrirtækið samning við Áttir ehf. þar um og greiðir fyrir vinnuna.

Aðkoma SSV verður með þeim hætti að samtökin greiða fyrir fundi og ferðkostnað til kynningar á verkefninu og kostnað vegna heimsóknar og tilboðsgerðar um verkefni í fyrirtækjum sem þess óska.

„Lögð verður áhersla á aðgerðir sem skila hverju þátttökufyrirtæki sýnilegum árangri þegar á árinu 2019. Meginsvið aðgerða verða lækkun kostnaðar, fjárhagsleg endurskipulagning, söluaukning, útfærsla nýrra afurða (vörur og/eða þjónusta) og gerð rekstraráætlunar til næstu þriggja ára,“ segja þeir Páll Kr Pálsson og Ólafur Sveinsson.

Nánar má lesa um áhersluþætti í ráðgjöfinni, á hverju þessara meginsviða, á vef Átta ehf; www.attir.is.

&nbsp;

Kynningarfundir á þremur stöðum í dag vegna “Betri rekstur”