medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Snæfellingar riðu ekki feitum hesti frá viðureign sinni við Hött, þegar liðin mættust í 1. deild karla í Stykkishólmi á föstudagskvöld. Leikurinn var alger einstefna frá fyrstu mínútu og endaði með risasigri gestanna frá Egilsstöðum, 36-122.

Mikil kraftur var í liði Hattar í fyrsta leikhluta, þar sem þeir skoruðu 35 stig gegn tíu stigum Snæfellinga. Annar leikhluti var nánast alveg eins og sá fyrsti, gestirnir skoruðu nánast að vild en hvorki gekk né rak hjá heimamönnum. Staðan í hléinu var 18-66.

Snæfellingar skoruðu aðeins fimm stig allan þriðja leikhluta gegn 37 stigum gestanna. Hattarmenn slökuðu aðeins á í lokafjórðungnum, þar sem þeir skoruðu 19 stig gegn 13 stigum Hólmara. Lokatölur urðu 36-122, Hetti í vil.

Það var fátt um fína drætti á stigatöflunni í liði Snæfells. Ísak Örn Baldursson skoraði sjö stig Dawid Einar Karlsson skoraði sjö stig og tók fimm fráköst. Aron Ingi Hinriksson var með sex stig og Darrel Flake sex stig og sjö fráköst.

Charles Clark var atkvæðamestur í liði Hattar með 30 stig og sex fráköst. Andrée Farse Michelsson skoraði 21 stig, André Hughes var með 20 stig og 13 fráköst, Eysteinn Bjarni Ævarsson skoraði 15 stig og Dino Supcic var með 14 stig.

Snæfellingar hafa tvö stig eftir 16 leiki í botnsæti deildarinnar. Næst leika þeir mánudaginn 18. febrúar næstkomandi, þegar þeir heimsækja Fjölni.

Snæfellingar rótburstaðir