medium

large

thumbnail

1536x1536

2048x2048

small

custom-size

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

Auglýsa störf nýliða í slökkviliðinu

core/freeform

„Framkvæmdir við breikkun Vesturlandsvegar hefjast í haust og mun þeim ljúka á árinu 2022 eins og til hefur staðið. Þrátt fyrir tilfærslur á fjárveitingum í verkið milli ára mun verklokum ekki seinka,“ segir í tilkynningu frá Vegagerðinni nú síðdegis.

Deiliskipulag vegarins um Kjalarnes, sem var samvinnuverkefni Vegagerðarinnar og Reykjavíkurborgar, var staðfest síðastliðið sumar. „Síðan hefur verkið verið í undirbúningi og stefnt er að því að bjóða út verkhönnunina á næstunni en verkið er það viðamikið og stórt að talsverð vinna liggur í gerð útboðsgagna. Fljótlega verður einnig sent út kynningarbréf til landeigenda en samningar við þá fara fram eftir fyrirfram ákveðnu lögbundnu ferli. Ekki hafa komið upp nein vandamál, hvorki gagnvart landeigendum né öðrum verkþáttum. Reikna má með að í haust verði strax hafist handa við t.d. lagningu hliðarvega sem síðan munu nýtast til að beina umferðinni um þegar framkvæmdir verða í fullum gangi við sjálfa breikkun vegarins,“ segir í tilkynningu Vegagerðarinnar.

Eins og fram hefur komið í fréttum þurfti að breyta fjárveitingum í samgönguáætlun frá þingsályktuninni, sem lögð var fram í október 2018. Breytingarnar eru vegna hagræðingarkröfu í fjárlögum upp á um 400 milljónir króna og forgangsröðunar annarra verkefna og hefur því þurft að færa til alls um 1.500 m.kr. „Þessi lækkun fjárveitinga árið 2019 leiðir til samsvarandi breytinga á fjárveitingum næstu ár á eftir,“ segir að endingu í tilkynningu Vegagerðarinnar.

Verklokum seinkar ekki að sögn Vegagerðarinnar