medium

thumbnail

small

custom-size

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

large

1536x1536

2048x2048

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

core/freeform

Snæfellingar töpuðu stórt gegn Vestra, 105-63, þegar liðin mættust í 1. deild karla í körfuknattleik á föstudagskvöld. Leikið var á Ísafirði.

Heimamenn komu mjög ákveðnir til leiks og ætluðu sér að gera út um leikinn strax í upphafsfjórðungnum. Staðan var 36-11 og Vestri kominn í vænlega stöðu eftir fyrsta leikhluta. Snæfellingar léku betur í öðrum fjórðungi, minnkuðu muninn niður í 19 stig, 47-26 en þá tóku heimamenn góðan sprett og fóru með 29 stiga forskot inn í hálfleikinn, 58-29.

Vestramenn byrjuðu síðari hálfleikinn af krafti, keyrðu upp hraðann og skoruðu 15 stig af 18 fyrstu stigunum í þriðja leikhluta. Þeir héldu uppteknum hætti og náðu mest 54 stiga forskoti snemma í fjórða leikhluta. Snæfellingar náðu aðeins að koma til baka og laga stöðuna á lokamínútunum, en töpuðu að lokum stórt, 105-63.

Ísak Örn Baldursson var atkvæðamestur í lið Snæfells með 14 stig og Aron Ingi Hinriksson skoraði ellefu en aðrir komust ekki í tveggja stafa tölu á stigatöflunni.

Jure Gunjina var stigahæstur í liði heimamanna með 18 stig en Nebosja Knazevic var að öðrum ólöstuðum maður leiksins. Jann skoraði 17 stig og gaf 17 stoðsendingar í liði Vestra og tapaði engum bolta. Hugi Hallgrímsson skoraði 17 stig einnig, Ingimar Baldursson skoraði 12 stig, Nemanja Knazevic skoraði ellefu stig og tók 16 fráköst og Hilmir Hallgrímsson var með tíu stig.

Snæfell vermir botnsæti deildarinnar með tvö stig eftir 15 leiki, jafn mörg og Sindri í sætinu fyrir ofan en Hólmarar eiga leik til góða. Næst leika þeir á föstudaginn, 8. febrúar, þegar þeir mæta Hetti í Stykkishólmi.

Stórt tap Snæfellinga