medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Snæfell heimsótti KR í toppslag átjándu umferðar Domino‘s deildar kvenna á miðvikudagskvöld. Skemmst er frá því að segja að Snæfellskonur áttu ekki góðan dag. Þær fundu aldrei taktinn og töpuðu að lokum stórt, 90-54.

Snæfellskonur byrjuðu leikinn illa og skoruðu aðeins níu stig allan fyrsta leikhlutann. Á meðan skoraði KR 19 stig og var komið með þægilega forystu eftir fyrstu tíu mínúturnar. Leikur Snæfells batnaði eftir því sem leið á en KR réði áfram lögum og lofum á vellinum og gætti þess að hleypa Hólmurum ekki inn í leikinn. Staðan í hálfleik var 44-23 og KR-ingar með unninn leik í höndunum.

Munurinn á liðunum hélst meira og minna óbreyttur í þriðja leikhluta og KR-leiddi með 22 stigum fyrir lokafjórðunginn, 66-44. Í fjórða leikhluta bættu heimakonur við forskotið og unnu að lokum stórsigur, 90-54.

Kristen McCarthy var atkvæðamest í liði Snæfells með 18 stig, 13 fráköst og fimm stoðsendingar. Gunnhildur Gunnarsdóttir skoraði 15 stig og tók sjö fráköst en aðrar höfðu minna.

Kiana Johnson skoraði 28 stig fyrir KR, tók níu fráköst og gaf átta stoðsendingar. Þorbjörg Andrea Friðriksdóttir skoraði 20 stig og tók sex fráköst og Orla O‘Reilly var með 15 stig, sex fráköst og átta stoðsendingar.

Snæfell hefur 22 stig í fjórða sæti deildinnar, tveimur stigum á eftir Val en með tveggja stiga forskot á Stjörnuna í sætinu fyrir neðan. Næsti leikur Snæfells er Vesturlandsslagur gegn Skallagrími. Sá leikur fer fram í Stykkishólmi miðvikudaginn 6. febrúar.

Snæfellskonur fundu aldrei taktinn