medium

large

thumbnail

1536x1536

2048x2048

small

custom-size

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

Hljóðhönnuðurinn Gulli Gunnarsson vinnur til BAFTA verðlauna

Hafnarstjórinn sem hefði getað orðið prestur

core/freeform

Skallagrímskonur unnu góðan sigur á Stjörnunni, 67-63, í fjörugum leik í Domino‘s deild kvenna á miðvikudagskvöld. Leikið var í Borganesi.

Skallagrímskonur komu ákveðnar til leiks. Þær höfðu yfirhöndina í fyrsta leikhluta og leiddu með þremur stigum að honum loknum, 18-15. Stjarnan minnkaði muninn í eitt stig í upphafi annars leikhluta. Borgarnesliðið náði góðum leikkafla og fimmtán stiga forskoti, en gestirnir minnkuðu muninn í sjö stig áður en hálfleiksflautan gall, 38-31.

Eftir hléið voru Skallagrímskonur sterkari. Þær skoruðu hverja körfuna á fætur annarri og komust mest 17 stigum yfir. En Stjarnan átti lokaorðið í þriðja leikhluta og náði að minnka muninn í tíu stig fyrir lokafjórðunginn, 55-45. Fjórði leikhluti var æsispennandi. Með góðum leik náði Stjarnan að gera forskot Skallagríms að engu og komast yfir um þegar leikhlutinn var hálfnaður, 57-59. Liðin skiptust á að skora og þegar þrjár mínútur lifðu leiks leiddi Stjarnan með tveimur stigum. Skallagrímskonur stáli hins vegar boltanum tvisvar sinnum í röð og skoruðu auðveldar körfur. Þær kláruðu síðan leikinn af vítalínunni og sigruðu með fjórum stigum, 67-63.

Ines Kerin var stigahæst í liði Skallagríms með 18 stig og fimm stoðsendingar að auki. Maja Michalska skoraði 16 stig, Shequila Joseph skoraði 14 stig og tók tólf fráköst og Brianna Banks var með ellefu stig og fimm stoðsendingar.

Ragna Margrét Brynjarsdóttir skoraði 17 stig og tók níu fráköst í liði Stjörnunnar. Danielle Rodriguez skoraði 13 stig, tók sjö fráköst og gaf níu stoðsendingar.

Með sigrinum lyftu Skallagrímskonur sér upp í sjötta sæti deildarinnar með tólf stig, tveimur stigum meira en Haukar í sætinu fyrir neðan en átta stigum á eftir Stjörnunni í sætinu fyrir ofan. Næsti leikur Skallagríms er Vesturlandsslagur gegn Snæfelli í Stykkishólmi miðvikudaginn 6. febrúar.

Sigur eftir spennandi lokamínútur