medium

thumbnail

small

custom-size

Leita að 15-18 ára sæskrímslum

large

1536x1536

2048x2048

Umferðin í landshlutanum gekk vel yfir páskana

Guðrún Karítas bætti Íslandsmetið í sleggjukasti í smá stund

Luku páskamótinu í gær

Skagamenn fengu silfrið í Lengjubikarnum

Tekist á fyrir dómi um land og aðgang að því

core/freeform

Á föstudagskvöld fengu Snæfellingar loks leikinn sem þeir hafa beðið eftir í allan vetur, þegar þeir tóku á móti Sindra í 1. deild karla í körfuknattleik. Hólmarar léku afar vel og höfðu heldur yfirhöndina þó leikurinn hafi verið mjög jafn og spennandi á löngum köflum. Að lokum fór svo að Snæfellingar höfðu betur með 89 stigum gegn 79 og kræktu þar með í fyrstu stig vetrarins.

Jafnræði var með liðunum í upphafi leiks. Snæfellingar náðu undirtökunum um miðjan fyrsta leikhluta og leiddu með fimm stigum að honum loknum, 25-20. Gestirnir svöruðu fyrir sig í öðrum fjórðungi og jöfnuðu metin. Eftir það var leikurinn æsispennandi allt þar til flautað var til hálfleiks. Liðin skiptust á að leiða með örfáum stigum en það var Sindri sem var yfir í hléinu, 38-43.

Snæfellingar voru mjög öflugir í upphafi síðari hálfleiks og voru fljótir að gera forystu gestanna að engu. Þeir léku áfram vel, komust yfir og góður endasprettur skilaði þeim tíu stiga forskoti fyrir lokafjórðunginn, 70-60. Tilraunir gestanna til að minnka muninn í lokafjórðungnum báru ekki árangur. Snæfellingar svöruðu hverri körfu, héldu gestunum í skefjum og unnu að lokum langþráðan sigur, 89-79.

Dominykas Zupkauskas átti stórleik fyrir Snæfell, skraði 36 stig, tók sex fráköst og gaf fimm stoðsendingar. Ísak Örn Baldursson skoraði 23 stig, Aron Ingi Hinriksson skoraði 14 stig og reynsluboltinn Darrel Flake skoraði tíu stig og tók 13 fráköst.

Matic Macek skoraði 15 stig, tók fimm fráköst og gaf fimm stoðsendingar í liði Sindra. Gísli Þórarinn Hallsson skoraði 15 stig einnig, Árni Birgir Þorvarðarson var með 13 stig og átta fráköst, Hallmar Hallsson skoraði tólf stig og þeir Ivan Kekic og Nikolas Susa skoruðu tíu stig hvor.

Snæfell og Sindri hafa tvö stig hvort lið á botni deildarinnar, en Snæfell á þó leik til góða á Hornfirðinga. Næst leika Snæfellingar föstudaginn 1. febrúar næstkomandi, þegar þeir mæta liði Vestra á Ísafirði.

Fyrsti sigur Snæfells í höfn