medium

large

thumbnail

1536x1536

2048x2048

small

custom-size

Land og verk með lægsta tilboðið

Heldri félaga deild Björgunarsveitarinnar Brákar stofnuð

Vigdís Häsler hætt störfum hjá Bændasamtökunum

Kári vann stórsigur á Uppsveitum í Mjólkurbikarnum

Deildarmyrkvi á sólu sýnilegur í dag ef veður leyfir

Háskólar geta nú boðið upp á viðurkennt örnám

core/freeform

Snæfellskonur þurftu að játa sig sigraðar eftir æsispennandi framlengdan leik gegn Stjörnunni í Domino‘s deild kvenna í gærkvöldi, 88-87. Leikið var í Garðabæ.

Stjarnan hafði undirtökin í fyrsta leikhluta og níu stiga forskot að honum loknum, 22-13. Snæfellskonur byrjuðu annan fjórðunginn af miklum krafti og minnkuðu muninn í eitt stig áður en hann var hálfnaður, 26-25. Þá tók Stjarnan góða rispu sem skilaði átta stiga forskoti í hléinu, 38-30.

Snæfellskonur mættu inn í síðari hálfleikinn af miklum krafti og höfðu minnkað í tvö stig þegar leikhlutinn var hálfnaður. Þeim tókst þó ekki að taka forystuna í leiknum og Stjarnan leiddi með fimm stigum fyrir lokafjórðunginn. Þar lék Snæfell vel og þjarmaði verulega að Stjörnunni. Hólmarar náðu góðum kafla seint í leiknum, komust yfir og leiddu með sex stigum þegar rúm mínúta lifði leiks. Stjarnan minnkaði muninn í eitt stig, sendi Snæfell á vítalínuna og munurinn þrjú stig með tíu sekúndur á klukkunni. Stjarnan stillti upp í þriggja stiga skot til að jafna leikinn og ofan í fór það. Staðan 73-73 eftir venjulegan leiktíma og því varð að framlengja.

Stjarnan náði forystunni snemma í framlengingunni og hafði þriggja stiga forskot á lokasekúndum leiksins. Þær brutu síðan á Kristen McCarthy í þriggja stiga skoti með eina sekúndu á klukkunni. Fyrsta vítaskot hennar geigaði hins vegar og úrslitin þar með ráðin. Hún sett næstu tvö niður og lokatölur því eins stigs tap Snæfells eftir mikinn spennuleik, 88-87.

Kristen McCarthy átti stórleik fyrir Snæfell, skoraði 37 stig og reif niður 22 fráköst. Angelika Kowalska var með 14 stig, Gunnhiludur Gunnarsdóttir 13 og Helga Hjördís Björgvinsdóttir skoraði ellefu stig og gaf fimm stoðsendingar.

Danielle Rodriguez setti upp myndarlega þrennu í liði Stjörnunnar, skoraði 25 stig, tók tólf fráköst og gaf tólf stoðsendingar. Ragna Margrét Brynjarsdóttir var með 15 stig og níu fráköst, Auður Íris Ólafsdóttir skoraði 14 stig, Bríet Sif Hinriksdóttir skoraði tólf stig og tók sex fráköst og Ragnheiður Benónísdóttir var með tíu stig og ellefu fráköst.

Snæfell situr í þriðja sæti deildarinnar með 22 stig, jafn mörg og Valur í sætinu fyrir neðan en tveimur stigum á eftir KR og fjórum stigum á eftir toppliði Keflavíkur. Næsti leikur Snæfells er stórleikur gegn KR á útivelli miðvikudaginn 30. janúar.

Eins stigs tap í dramatískum leik