medium

large

thumbnail

1536x1536

2048x2048

small

custom-size

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

Hinrik Örn Bjarnason ráðinn framkvæmdastjóri Eðalfangs

Einar Örn og Bjarki Þór stóðu sig vel

core/freeform

Húsfyllir var í félagsheimilinu Þinghamri á Varmalandi síðastliðinn laugardagskvöld þegar karlakórinn Söngbræður bauð til árlegrar sviða- og hrossakjötsveislu. Dagskráin var hefðbundin, enda ekki þörf á að breyta sífellt því sem gott er. Fyrir mat söng kórinn nokkur lög við undirleik Birgis Þórissonar píanóleikara. Gunnar Örn Guðmundsson formaður kórstjórnar setti samkomuna en veislustjóri var Viðar Guðmundsson kórstjóri en auk söng- og spilahæfileika er einatt stutt í spaugið. Með kórnum söng einnig Barbara Guðbjartsdóttir meðal annars í óðnum til hrossins við lag Tinu Turner.

Á borð voru borið kynstrin öll af sviðum frá Fjallalambi og unghross úr stóði Sveinbjarnar og Ingu Vildísar í Þingnesi hafði nokkrum mánuðum áður verið fórnað í þágu málefnisins í tunnu ásamt salti. Með þessu voru svo fram bornar stöppur kartaflna og rófna úr Þykkvabænum. Eftir matarhlé hóf kórinn upp raust sína að nýju og söng fjölmörg ný og eldri lög. Einsöng sungu Hlynur Eyjólfsson, Höskuldur Kolbeinsson og Snorri Hjálmarsson. Að lokinni hefðbundinni dagskrá var fjöldasöngur í blómasalnum við undirleik hljómsveitar kórsins áður en gestir héldu sönglandi inn í nóttina.

Söngbræður troðfylltu Þinghamar