medium

large

thumbnail

1536x1536

2048x2048

small

custom-size

Skagakonur unnu ótrúlegan sigur í Mjólkurbikarnum

ÞB Borg reisir glæsihýsi í Stykkishólmi

Skrifað undir við skátana í Dalabyggð

Fyrirhugaðir búferlaflutningar kannaðir á Vesturlandi

Skallagrímur úr leik eftir tap gegn Þór

Stefán Bjarki Akranesmeistari í pílu 2024

core/freeform

Sjávarsafnið á Norðurtanga í Ólafsvík mun innan skamms verða lagt niður en lítil starfsemi hefur verið undanfarin ár og var ljóst fyrir nokkru að ekki yrði áfram rekið safn í húsinu. Þótti stjórn safnsins því eðlilegt að hluti  þeirra fjármuna sem eftir stóðu þegar búið verður að greiða skuldir safnsins og kostnað við að loka því, yrðu látnir renna aftur til samfélagsins þar sem uppbygging og rekstur safnsins frá upphafi hefur verið fjármagnað með styrkjum frá opinberum sjóðum, Snæfellsbæ og stuðningi fyrirtækja, félagasamtaka og einstaklinga.

Voru styrkirnir afhentir laugardaginn 15. desember á Kaldalæk. Í ræðu sinni við þetta tækifæri sagði Jóhannes Ólafsson frá sögu safnsins en það var stofnað í október 2000 og hófust framkvæmdir í byrjun árs 2001. Boruð var borhola til að fá sjó inn í húsnæði safnsins og smíðuð þrjú 4500 lítra búr og tvö 1.500 lítra búr. Var fljótlega bætt við nokkrum minni búrum fyrir smærri lífverur úr sjó og fjöru. Hafi til að byrja með gengið erfiðlega að fá fiskana til að lifa en með góðum vilja, frjóu ímyndunarafli og samstarfi við líffræðinga, voru fundnar lausnir sem skiluðu árangri. Hafði stjórn safnsins uppi stórar hugmyndir um safn að erlendri fyrirmynd en til að þær hefðu getað gengið eftir hefði safnið þurft að hafa mjög mikið fjármagn sem það hafði ekki aðgang að. Gerði stjórn safnsins ítrekaðar tilraunir til að fá menningar- eða ferðaþjónustutengda starfsemi í húsið. Gekk það ekki eftir og húsið því sett á sölu og fékkst kaupandi að því í haust.

Þau málefni sem fengu styrki síðastliðinn laugardag voru: Sjómannagarðurinn í Ólafsvík, fjórar milljónir vegna breytinga í garðinum. Ólafsvíkurkirkja fékk hálfa milljón króna í sjóð til að bæta aðgengi fyrir fatlaða. Uppbygging Ólafsvíkurréttar fékk 300.000 krónur og Hesteigendafélagið Hringur 200.000 kr. til uppbyggingar reiðhallarinnar. Fyrirhugað er að safnið styrki fleiri verkefni á næstu og hugsanlega þarnæsta ári

Sér fyrir endan á rekstri Sjávarsafnsins í Ólafsvík