medium

large

thumbnail

1536x1536

2048x2048

small

custom-size

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

Hinrik Örn Bjarnason ráðinn framkvæmdastjóri Eðalfangs

core/freeform

Leikið var í 16 liða úrslitum Geysisbikars karla og kvenna í körfuknattleik um helgina. Snæfell og Skallagrímur komust bæði áfram í bikarkeppni kvenna, Skallagrímur fór áfram í bikarkeppni karla en ÍA féll úr leik. Leikið verður í átta liða úrslitum dagana 20. og 21. janúar næstkomandi.

&nbsp;

Snæfell rústaði Þór Ak.

Snæfellskonur rústuðu Þór Ak. á útivelli, 36-110. Eins og lokastaðan gefur til kynna átti heimaliði sér ekki viðreisnar von gegn sterku liði Snæfells, sem leikur deild fyrir ofan í Íslandsmótinu. Þór skoraði aðeins þrjú stig í fyrsta leikhluta á móti 28 stigum Snæfells. Snæfell raðaði niður stigunum í öðrum leikhluta og leiddi með 70 stigum gegn 17 í hálfleik, ótrúlegar tölur. Snæfellskonur hægðu ferðina í síðari hálfleik, enda búnar að vinna leikinn. Þær skoruðu 17 stig í þriðja leikhluta, 23 í fjórða og unnu að lokum einhvern stærsta sigur í seinni tíð. Heiða Hlín Björnsdóttir skoraði 22 stig, Anna Soffía Lárusdóttir var með 21 stig og níu fráköst, Tinna Alexandersdóttir 21 stig einnig og Gunnhildur Gunnarsdóttir skoraði tíu stig, gaf sex stoðsendingar og stal sex boltum.

&nbsp;

Stórsigur Skallagrímskvenna

Skallagrímskonur unnu stórsigur á Njarðvík á útivelli, 62-91. Þær byrjuðu betur og leiddu með þremur stigum eftir fyrsta leikhluta, 17-20. Í öðrum leikhluta léku þær vel og höfðu 18 stiga forystu í hléinu, 31-49. Skallagrímskonur gáfu engin færi á sér eftir hléið og bættu í. Þær leiddu 42-71 eftir þriðja leikhluta og úrslit leiksins ráðin. Sá munur hélst meira og minna óbreyttur í fjórða leikhluta. Skallagrímur sigraði með 29 stigum, 62-91.

Bryesha Blair var atkvæðamest í liði Skallagríms með 17 stig, átta fráköst og níu stolna bolta. Maja Michalska skoraði 14 stig og tók fimm fráköst, Sigrún Sjöfn Ámundadóttir var með tólf stig, sex fráköst og átta stoðsendingar og Ines Kerin skoraði tólf stig einnig.

&nbsp;

Borgnesingar áfram

Skallagrímur lagði Selfoss eftir fjörugan leik í Borgarnesi, 79-72. Gestirnir gáfu ekkert eftir þrátt fyrir að leika deild neðar og leiddu eftir fyrsta leikhluta, 22-25. Borgnesingar komust yfir um miðjan annan leikhluta og leiddu í hálfleik, 41-37. Þeir höfðu áfram yfirhöndina en gestirnir voru þó aldrei langt undan. Skallagrímur hafði sex stiga forskot fyrir lokafjórðunginn, 62-56. Þar voru Skallagrímsmenn sterkari, höfðu tíu til tólf stiga forskot þar til örfáar mínútur lifðu leiks. Gestirnir minnkuðu muninn lítið eitt á lokaandartökum leiksins. Skallagrímur sigraði með sjö stigum, 79-72.

Matej Buovac var stigahæstur í liði Skallagríms með 20 stig og sex fráköst að auki. Aundre Jackson skoraði 19 stig, Domagoj Samac skoraði 13 og Bjarni Guðmann Jónsson var með tíu stig og sex stoðsendingar.

&nbsp;

Skagamenn úr leik

ÍA mátti játa sig sigrað gegn ÍR á útivelli, 104-73. Heimamenn byrjuðu betur, komust í 15-2 en Skagamenn komu til baka og minnkuðu muninn í sex stig áður en fyrsti leikhluti var úti, 22-16. Skagamenn léku afar vel í öðrum leikhluta og var ekki að sjá að þeir léku tveimur deildum neðar en ÍR. Þeir héldu heimamönnum stigalausum fyrstu fimm mínúturnar og tóku forystuna á meðan. ÍA leiddi 29-23 um miðjan leikhlutann. ÍR-ingar jöfnuðu en Skagamenn áttu lokaorðið og leiddu í hléinu, 35-37. Um miðjan þriðja leikhluta tóku heimamenn öll völd á vellinum. Þeir leiddu 78-60 eftir þriðja og bættu við í lokafjórðungnum. Að lokum sigruðu þeir stórt, 104-73.

Hjalti Ásberg Þorleifsson var stigahæstur í liði ÍA með 17 stig og tólf fráköst að auki. Jón Frímannsson skoraði 16 stig og tók 15 fráköst, Chaz Franklin skoraði 16 stig, tók 14 fráköst og gaf fimm fráköst og Sindri Leví Ingason skoraði 12 stig og tók sex fráköst.

Bikarhelgi að baki