medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Íbúðalánasjóður mun stofna nýtt opinbert leigufélag sem fengið hefur nafnið Bríet. Það mun taka við flestum þeim fasteignum sem eru á hendi sjóðsins í dag og reka hagkvæma leiguþjónustu með sérstaka áherslu á landsbyggðina. Bríeti er ekki ætlað að fara í samkeppni við einkarekin leigufélög á höfuðborgarsvæðinu. Íbúðalánasjóður tekur fram að enginn núverandi leigutaka þarf að óttast um sinn hag vegna þessara breytinga. Soffía Guðmundsdóttir, sem áður var framkvæmdastjóri ráðgjafarsviðs hjá Íbúðalánasjóði, mun stýra hinu nýja leigufélagi. Ásmundur Einar Daðason félagsmálaráðherra segir stofnun Bríetar vera viðbragð við erfiðri stöðu á húsnæðismarkaði sem birtist ekki síst í háu verði og skorti á leiguhúsnæði á landsbyggðinni. Þessa ákvörðun sína tilkynnti Ásmundur Einar á fundi um húsnæðismál sem haldinn var í Leifsbúð í Búðardal í dag.

Ráðherra vill fá sveitarfélög til samstarfs við nýja félagið en mörg þeirra reka nú þegar félagslegt leiguhúsnæði. Hann telur að hægt verði að bæta gæði, auka framboð og draga úr kostnaði með því að sameinast um rekstur slíks húsnæðis í stærra félagi sem starfi í þessum tilgangi einum og hafi ekki hagnað að leiðarljósi, umfram það sem þarf til að sinna viðhaldi og endurnýjun húsnæðisins.

„Ég er mjög ánægður með þetta skref. Finnar fóru svipaða leið í sinni húsnæðiskrísu og þar voru áhrif spennunnar á húsnæðismarkaði á almenning mun minni en hér. Ég horfi ekki síst til þess að þverpólitísk sátt myndaðist um aðgerðirnar hjá þeim. Samstaða er mikilvæg og að farið sé strax í aðgerðir sem nýtast fólki í húsnæðiskröggum. Við þurfum fjölbreyttar lausnir til að takast á við húsnæðisvandann. Sem betur fer hefur íbúðum í byggingu farið fjölgandi upp á síðkastið, þó það sé reyndar langmest á suðvesturhorninu. Íbúar og atvinnurekendur í sveitarfélögum annars staðar á landinu geta ekki beðið lengur og það er því rökrétt skref að leggja íbúðir sem ríkið á, í gegnum Íbúðalánasjóð, inn í þetta félag. Stór hluti þeirra íbúða er nú þegar í útleigu, en skort hefur á viðhald og langtímaöryggi fyrir þá sem þær leigja,“ segir Ásmundur Einar.

Bríet er nýtt opinbert leigufélag á landsbyggðinni