medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Stekkjastaur er væntanlegur til byggða í nótt, fyrstur bræðranna þréttán sem kalla sig jólasveina. Þetta þekkja allir sem vita að þeir Grýlu- og Leppalúðasynir eru til. Tíðindamaður blaðsins náði tali af Stekkjastaur nú í morgun þar sem hann var að klöngrast niður hlíðar Skessuhorns í Borgarfirði, þar sem þeir bræður búa ásamt foreldrum sínum. „Já, við búum ennþá heima hjá mömmu og pabba, mamma tekur ekki í mál að við flytjum út. Þar að auki er markaðurinn bara þannig að það er enginn hægðarleikur fyrir unga sveina að kaupa sér sína fyrstu íbúð eins og staðan er núna,“ segir hinn síðskeggjaði Stekkjastaur.

Það var leiðindaveður þegar tíðindamaður rakst á jólasveininn í morgun, bálhvasst og erfitt að príla niður brattar hlíðar Skessuhorns. „Það er ekki jólaketti út sigandi,“ segir hann, og bætir því við að hann eigi ekki gott með að ferðast í veðri sem þessu. „Ég er svo stífur í fótunum,“ segir Stekkjastaur og hlær hrossahlátri að eigin fyndni. „Ég er nefnilega með staurfætur,“ útskýrir hann hlæjandi. En telur hann að veðrið verði til þess að hann komist ekki til byggða? „Nei, ég held þetta eigi nú að sleppa til. Þetta var nú ekki svo nauið í gamla daga þegar við vorum fyrst og fremst að hrekkja og hrella fólk, þá var öllum sama hvort við kæmum á réttum tíma eður ei. En nýjum tímum fylgir ný ábyrgð og við leggjum okkur fram við að vera stundvísir,“ segir hann og bendir á fjögurra metra háan gjafapoka sem hann ber á bakinu, fullan af gjöfum sem hann ætlar að lauma í skóinn hjá þægum börnum landsins í nótt. „Svo er ég alltaf með nokkrar kartöflur líka,“ segir Stekkjastaur stríðnislega að endingu.

Erfið færð fyrir Stekkjastaur