medium

large

thumbnail

1536x1536

small

custom-size

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

2048x2048

Stórsýningin Verk og vit fer nú fram í Laugardalnum – myndasyrpa

Ný stjórn Byggðastofnunar

Uppbygging á aðstöðu til jarðræktarrannsókna að hefjast á Hvanneyri

Kári úr leik í Lengjubikarnum eftir tap gegn Þrótti Vogum

core/freeform

Fyrsti aðalfundur Hestamannafélagsins Borgfirðings var haldinn þriðjudaginn 27. nóvember síðastliðinn í félagsheimilinu Vindási. Félagið varð sem kunnugt er til í janúar síðastliðnum eftir sameiningu félaganna Faxa og Skugga. Haukur Bjarnason, fyrir hönd Skáneyjarbúsins, færði Borgfirðingi farandbikar að gjöf. Verður bikarinn veittur þeim keppanda félagsins sem nær bestum samanlögðum árangri í keppnum hvers árs. Fyrsti handhafi bikarsins er Randi Holaker sem átti góðu gengi að fagna á árinu 2018.

Fundurinn var rólegur og tíðindalítill og stjórn félagsins er nánast óbreytt, að sögn Kristjáns Gíslasonar ritara. „Eina breytingin er að Guðrún Fjeldsted gengur úr stjórninni og í stað hennar kemur Arna Pálsdóttir,“ segir Kristján í samtali við Skessuhorn. Stjórn félagsins er því þannig skipuð; Þórdís Arnardóttir formaður, Haukur Bjarnason, Marteinn Valdimarsson, Reynir Magnússon, Sigurþór Óskar Ágústsson, Björg María Þórsdóttir, Kristján Gíslason og Arna Pálsdóttir.

Eins og venja er hafa undanfarnir mánuðir verið rólegir í hestamennskunni en fljótlega fer að draga til tíðinda þegar mótahald og keppnir hefjast á nýju ári. „Fyrsta keppni sem Borgfirðingur stendur fyrir er fyrsta mótið í KB innanhússmótaröðinni. Það fer fram 23. febrúar næstkomandi,“ segir Kristján að endingu.

Borgfirðingi færður farandbikar