medium

large

thumbnail

1536x1536

small

custom-size

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

core/freeform

Skallagrímskonur máttu játa sig sigraðar eftir hörkuleik gegn Stjörnunni í Domino‘s deild kvenna í körfuknattleik. Leikið var í Garðabæ í gær og lokatölur urðu 73-62, heimakonum í vil.

Skallagrímskonur höfðu yfirhöndina í upphafi leiks og leiddu 4-8 þegar fyrsti leikhluti var hálfnaður. Þá tók Stjarnan forystuna og leiddi 16-14 eftir upphafsfjórðunginn. Mikið jafnræði var með liðunum í öðrum leikhluta og munaði ekki nema örfáum stigum lengst framan af. Þegar dró nær hálfleik tók Stjarnan þó að síga örlítið lengra fram úr og hafði átta stiga forskot í hléinu, 41-33.

Stjarnan hélt fast um forystuna í þriðja leikhluta en Skallagrímskonur voru aldrei langt undan. Næst komust þær fimm stigum frá þeim seint í leikhlutanum en Stjarnan átti lokaorðið og fór með sjö stiga forskot inn í lokafjórðunginn. Hann fór rólega af stað þar sem hvorugt lið skoraði fyrstu mínúturnar. Eftir það voru Skallagrímskonur heldur öflugri og færðust hægt en örugglega nær Stjörnunni. Stöðugt meiri spenna færðist í leikinn og þegar tvær mínútur voru eftir höfðu Skallagrímskonur minnkað muninn í tvö stig, 62-60 og leikurinn galopinn. En þá tók Stjarnan ótrúlegan endasprett þar sem liðið skoraði ellefu stig gegn tveimur og tryggði sér sigurinn, 73-62.

Shequila Joseph skoraði 20 stig og tók 14 fráköst í liði Skallagríms. Bryesha Blair var með 20 stig einnig, sex fráköst og sjö stoðsendingar.

Danielle Rodriguez átti stórleik fyrir heimaliðið, skoraði 23 stig, tók 13 fráköst, gaf átta stoðsendingar, stal fjórum boltum og varði fimm skot. Bríet Sif Hinriksdóttir var með 15 stig og Maria Florencia Palacios skoraði tólf.

Skallagrímur situr í sjötta sæti deildarinnar með sex stig eftir ellefu leiki, jafn mörg og Haukar í sætinu fyrir neðan en fjórum stigum á eftir Val í sætinu fyrir ofan. Næst leikur Skallagrímur miðvikudaginn 12. desember, þegar liðið mætir Snæfelli í Vesturlandsslag í Borgarnesi.

Skallagrímskonur töpuðu gegn Stjörnunni