medium

large

thumbnail

1536x1536

small

custom-size

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

core/freeform

Snæfell sigraði KR örugglega, 64-46, í toppslag Domino‘s deildar kvenna í körfuknattleik. Leikið var í Stykkishólmi í gærdag.

Snæfell byrjaði leikinn mun betur og hélt KR í aðeins einu stigi fyrstu sex mínútur leiksins. Eftir það náðu gestirnir góðum spretti og minnkuðu muninn í 14-12 en Snæfellskonur leiddu 18-14 að fyrsta leikhluta loknum. Annar leikhluti var frekar skrítinn. Hann fór hægt af stað, en það var aðeins lognið á undan storminum. Snæfellskonur náðu síðan með frábærum kafla að breyta tveggja stiga forystu í 15 stiga forskot, 33-18. En þá var eins og lok hefði verið sett á körfuna, því þær skoruðu ekki meira síðustu fjórar mínútur fyrri hálfleiks. KR minnkaði muninn á meðan niður í níu stig og Snæfell leiddi í hléinu með 33 stigum gegn 24.

Þriðji leikhluti fór hægt af stað og ekkert stig var skorað fyrstu mínúturnar. Þá tóku Snæfellskonur góða rispu, komust í 39-25 og virtust hafa náð góðum tökum á leiknum. Þær leiddu með tveimur stigum fyrir lokafjórðunginn og hleyptu KR-liðinu aldrei nálægt sér aftur. Þvert á móti juku þær forskotið hægt en örugglega allan fjórða leikhluta og sigruðu að lokum stórt, 64-46.

Kristen McCarthy var atkvæðamest í liði Snæfells með 24 stig, 13 fráköst og sex stoðsendingar. Angelika Kowalska skoraði 13 stig og tók átta fráköst en aðrar höfðu minna.

Vilma Kesanen skoraði 14 stig fyrir KR og var sú eina úr liði gestanna sem komst í tveggja stafa tölu á stigatöflunni.

Með sigrinum lyfta Snæfellskonur sér upp að hlið Keflavíkur á toppi deildarinnar. Bæði lið hafa 18 stig eftir ellefu leiki. Næsti leikur Snæfells er Vesturlandsslagur gegn Skallagrími. Sá leikur fer fram í Borgarnesi miðvikudaginn 12. desember.

Öruggur sigur Snæfells í toppslagnum