medium

large

thumbnail

1536x1536

2048x2048

small

custom-size

Enskumælandi ráð Mýrdalshrepps hlaut Landstólpann

Fjölmenning í Grundaskóla – myndasyrpa

Knittable verður framlag Íslands í Creative Business Cup

Mótmæla harðlega öllum áformum um vindorkuver í nágrenni Norðurár

Þriðja úthlutun úr Framkvæmdasjóði DalaAuðs

Skallagrímur vann Þór og tryggði sér oddaleik

core/freeform

Verkefnið Sýnum karakter var formlega innleitt á fræðslukvöldi sem Ungmennasamband Borgarfjarðar hélt í Hjálmakletti í Borgarnesi á þriðjudag í liðinni viku. Um er að ræða átaksverkefni um þjálfun sálrænnar og félagslegrar færni barna og ungmenna í íþróttum. Hugmyndafræði Sýnum karakter byggir á að hægt sé að þjálfa og styrkja bæði sálræna og félagslega færni iðkenda líkt og líkamlega færni. Áhersla í íþróttaþjálfun hefur til þessa verið á líkamlega og tæknilega færni. Helsta markmið verkefnisins er að hvetja þjálfara og íþróttafélög til að leggja enn meiri og markvissari áherslu á að byggja upp góðan karakter iðkenda, með því að þjálfa sálræna og félagslega eiginleika barna og unglinga.

„Þjálfun karakters barna og ungmenna í íþróttum gerir íþróttafélögum kleift að sinna hvort í senn uppeldishluta og afrekshluta íþróttastarfsins, því góðir karakterar eru vel í stakk búnir til að takast á við lífið og einnig til að ná árangri í íþróttum,“ segir á heimasíðu verkefnisins.

Sabína Steinunn Halldórsdóttir, verkefnastjóri hjá UMFÍ, Auður Inga Þorsteinsdóttir, framkvæmdastjóri UMFÍ, Markús Máni frá Sportabler og Pálmar Ragnarsson fluttu erindi þegar verkefnið var innleitt á fræðslukvöldi UMSB. „Viðtökur fóru fram úr björtustu vonum þar sem fjöldi fólks sýndi verkefninu mikinn áhuga enda voru erindin mjög skemmtileg, áhugaverð og upplýsandi,“ segir í frétt sem birtist á vef Borgarbyggðar.

Verkefnið Sýnum karakter innleitt hjá UMSB