medium

large

thumbnail

1536x1536

2048x2048

small

custom-size

Nýjar verklagsreglur um flutning á lömbum

Karlakórinn Heiðbjört lýkur vetri í Reykholti

Búið að ráða viðburðastjóra

Bjarki Pétursson varð í sjöunda sæti

Snæfell kom sér inn í einvígið gegn Tindastól

Gleði og glaumur á söngleiknum Grease

core/freeform

Skipulags- og umhverfisráð Akraneskaustaðar hefur fengið afhent minnisblað frá verkfræðistofunni Mannviti um væntanlegt niðurrif á strompinum á lóð Sementsverksmiðjunnar. Sviðsstjóra hefur verið falið að gera samkomulag við verktakafyrirtækið Work North ehf. um niðurrif hans. Gerð var könnun meðal bæjarbúa Akraness þess efnis hvort fella ætti strompinn eða varðveita hann. Reyndust 94% íbúa fylgjandi því að hann yrði rifinn. Bæjarstjórn ákvað í kjölfar þeirrar niðurstöðu að gera breytingu á skipulagi til að rífa mætti strompinn. Gert er ráð fyrir að niðurrif strompsins verði öðrum hvorum megin við næstu áramót.

Um ár er liðið síðan byrjað var að rífa hús Sementsverksmiðjunnar og hefur niðurrif að mestu gengið vel. Þegar verkið var boðið út á sínum tíma hafði Mannvit gert ráð fyrir því að niðurrifið á verksmiðjunni myndi kosta 326 milljónir króna en tilboð Work North ehf. hljóðaði upp á rúmar 175 milljónir króna. Sú áætlun hefur staðist, að sögn Sævars Freys Þráinssonar bæjarstjóra. „Langmestar líkur eru á að strompurinn verði sprengdur og látinn falla inn á athafnasvæðið þar sem verksmiðjuhúsin stóðu áður,“ segir Sævar. Niðurrif strompsins og veggjarins sem umlykur sementsþróna voru ekki skilgreind í upphaflega samningnum sem gerður var við Work North. Þarf því að semja sérstaklega við fyrirtækið um niðurrif strompsins. Að sögn Sævars er það til skoðunar hvenær og hvernig verði staðið að niðurrifi veggjarins við þróna, en engin ákvörðun hefur verið tekin um það.

Samið verður við Work North um niðurrif strompsins