medium

large

thumbnail

1536x1536

small

custom-size

Skallagrímur tapaði naumlega fyrir Þór

2048x2048

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

core/freeform

Miðstjórn Alþýðusambands Íslands lýsir verulegum áhyggjum yfir stöðu flugfélagsins WOW og þeirri óvissu sem enn ríkir varðandi félagið. Fram hefur komið í fréttum að félagið flytur um 40% flugfarþega til og frá landinu og því hefði fall þess gríðarleg áhrif á allt efnahagslíf til lengri og skemmri tíma. Í ályktun sem miðstjórn ASÍ sendi frá sér á sunnudaginn, segir m.a: „Undanfarna mánuði hefur mikil óvissa ríkt um um framtíð flugfélagsins WOW, félags sem fengið hefur að vaxa óheft og á hraða sem virðist á engan hátt hafa verið sjálfbær. Þetta er ástand sem minnir óþægilega á óheftan vöxt bankanna í aðdraganda efnahagshrunsins fyrir áratug.“

Þá segir að stærð og áhrif WOW á efnahagskerfi landsins séu gríðarleg og afleiðingarnar af hugsanlegu þroti fyrirtækisins yrðu alvarlegar, svo sem verðbólguskot, atvinnuleysi og samdráttur sem bitnar verst á venjulegu launafólki. Mörg þúsund starfsmenn og fjöldi fyrirtækja eiga sitt undir því að loftbrúin til landsins laskist ekki.

Vegna óvissu um framtíð WOW var 237 starfsmönnum sagt upp síðastliðinn fimmtudag og fimmtán til viðbótar á föstudag hjá fyrirtækjum á Keflavíkurflugvelli. „Þetta eru mestu fjöldauppsagnir síðan bandaríski herinn hvarf á braut 2006. Þetta er gríðarlegt högg fyrir það svæði á landinu þar sem atvinnuleysi hefur verið mest í gegnum tíðina. Fjöldi fjölskyldna er í mikilli óvissu í aðdraganda jóla. Miðstjórn ASÍ skorar á ríkisstjórnina að standa með almenningi og setja þak á vísitölu neysluverðs til verðtryggingar til að forða heimilum þess lands frá því að þurfa að taka höggið af þeirri efnahagslegu óvissu sem nú ríkir í flugrekstri hér á landi. Sporin frá bankahruninu hræða.“

Líkja vexti WOW við bankavöxt fyrir hrun