medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Snæfell tapaði stórt gegn Keflavík, 82-55, þegar liðin mættust í níundu umferð Domino‘s deildar kvenna í körfuknattleik. Leikið var í Keflavík á sunnudagskvöld.

Keflavík náði yfirhöndinni snemma leiks og komust í 16-4 áður en Snæfell tók leikhlé. Eftir það náðu Snæfellskonur aðeins betri tökum á leiknum, voru grimmar fram á við og tókst að minnka muninn í sjö stig. Þær höfðu tækifæri til að komast enn nær en Keflavíkurkonur voru fljótar að refsa þegar Snæfelli brást bogalistin. Fyrir vikið leiddi heimaliðið með 15 stigum eftir fyrsta leikhluta, 28-13. Snæfellskonum gekk illa að finna taktinn í sókninni í öðrum leikhluta gegn firnasterkri vörn Keflavíkur. Snæfell lagaði stöðuna aðeins með smá rispu undir lok fyrri hálfleiks og munaði tólf stigum í hléinu, 42-30.

Keflavík byrjaði síðari hálfleikinn af miklum krafti og hafði aukið forskotið í 20 stig um miðjan þriðja leikhluta. Snæfellskonur skiptu yfir í svæðisvörn en Keflvíkingar létu það ekki á sig fá og höfðu örugga forystu fyrir lokafjórðunginn, 63-41. Snæfellskonur náðu ekki að minnka muninn í fjórða leikhluta og máttu sín lítils gegn sterkri vörn Keflavíkurliðsins. Þegar lokaflautan gall munaði 27 stigum á liðunum. Keflavík sigraði 82-55.

Kristen McCarthy var atkvæðamest í liði Snæfells með 21 stig og sex fráköst en aðrar náðu ekki tveggja stafa tölu á stigatöflunni.

Brittany Dinkins átti stórleik fyrir Keflaví, skoraði 35 stig, tók tólf fráköst, gaf sex stoðsendingar og stal fimm boltum. Salbjörg Ragna Sævarsdóttir skoraði tólf stig og tók átta fráköst og Bryndís Guðmundsdóttir var með ellefu stig og sex fráköst.

Úrslit leiksins þýða að Snæfell dettur niður í þriðja sæti deildarinnar með 14 stig, jafn mörg og topplið Keflavíkur og KR í sætinu fyrir ofan. Næst leikur Snæfell sunnudaginn 2. desember næstkomandi þegar liðið mætir Stjörnunni í Stykkishólmi.

Snæfellskonur fengu skell í Keflavík