medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Íslandsmeistaramótið í línuklifri fór fram um helgina á Akranesi. „Þetta er fyrsta Íslandsmeistaramót í línuklifri sem haldið er á Akranesi. Með nýrri og bættri klifuraðstöðu á Smiðjuloftinu hefur sá möguleiki opnast. Aðstaða til línuklifurs er með því besta sem gerist hér á landi og því er Smiðjuloftið mikil lyftistöng fyrir klifur á Íslandi,“ segir Þórður Sævarsson klifurþjálfari hjá ÍA. Alls voru þrettán klifrarar skráðir til leiks frá þremur klifurfélögum. Keppt var í flokki fullorðinna og í flokki 16-19 ára.
Klifraðar voru þrjár leiðir í karla- og kvennaflokki og réðust úrslit í síðustu leiðum. Íslandsmeistarar urðu Katarína Eik Sigurjónsdóttir í flokki kvenna og Guðmundur Freyr Arnarson í flokki karla. Í flokki 16-19 ára sigruðu þau Gabríela Einarsdóttir og Emil Bjartur Sigurjónsson.
Skagastúlkurnar Brimrún Eir Óðinsdóttir og Úlfheiður Embla Blöndal klifruðu fyrir ÍA og höfnuðu í þriðja og fjórða sæti í flokki 16-19 ára.
Helgina 24.-25. nóvember tekur Brimrún Eir þátt á Norðurlandameistaramótinu í línuklifri sem fram fer í Árósum í Danmörku ásamt hópi ungmenna frá Íslandi.

Íslandsmeistaramót í línuklifri fór fram á Akranesi