medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Í umhverfisráðuneytinu er hafinn undirbúningur að stofnun miðhálendisþjóðgarðs. „63% almennings á Íslandi er fylgjandi stofnun þjóðgarðs á miðhálendi Íslands, ferðamenn nefna sem aðdráttarafl hálendisins að þar sé einstök náttúra og þverpólitísk nefnd vinnur nú að því að undirbúa stofnun miðhálendisþjóðgarðs.“ Þetta er meðal þess sem fram kom á umhverfisþingi sem umhverfis- og auðlindaráðherra boðaði til og fór fram á Grand hóteli í liðinni viku.

Á þinginu kynnti Michaël Bishop niðurstöður spurningakönnunar sem unnin var af Félagsvísindastofnun Háskóla Íslands þar sem fram kom að tæplega 63% af þeim sem tóku afstöðu eru fylgjandi stofnun þjóðgarðs á miðhálendinu en tæplega 10% andvíg honum. Rannsóknin var hluti af meistaraverkefni Michaëls í land- og ferðamálafræði við Háskóla Íslands.

Í ríkisstjórnarsáttmála þeirrar stjórnar sem nú situr er lagt til að stefnt verði að stofnun miðhálendisþjóðgarðs. Fram kom á umhverfisþinginu að þverpólitísk nefnd sem umhverfis- og auðlindaráðherra skipaði síðastliðið vor vinni nú að framgangi málsins. Í máli Óla Halldórssonar, formanns nefndarinnar, kom fram að nefndin væri byrjuð að fjalla um mörk þjóðgarðsins og að stefnt væri að samráðsfundum með sveitarfélögum og nytjaréttarhöfum en slíkt samtal er forsenda þess að sátt náist um verkefnið. Nefndin mun skila af sér tillögu að lagafrumvarpi næsta haust.

Unnið er að stofnun miðhálendisþjóðgarðs