medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Snæfell vann góðan sigur á baráttuglöðu liði Breiðablikis, 80-69, í áttundu umferð Domino‘s deildar kvenna í körfuknattleik. Leikið var í Stykkishólmi í gærkvöldi.
Bæði lið mættu ákveðin til leiks, spiluðu hratt og voru tilbúin að berjast. Breiðablik hafði heldur yfirhöndina fyrstu mínúturnar. Snæfell komst yfir fyrir miðjan fyrsta leikhluta og leiddi með ellefu stigum að honum loknum, 30-19. Sá munur hélst meira og minna óbreyttur út fyrri hálfleikinn og raunar allan leikinn. Gestirnir börðust og Snæfellskonur þurftu að vera á tánum til að halda þeim í skefjum. Staðan í hléinu var 49-39 fyrir Snæfell.
Snæfellskonur náðu aðeins að bæta í forskotið nokkrum sinnum í þriðja leikhluta en alltaf komu Blikar til baka, minnkuðu muninn í um það bil tíu stig. Að sama skapi svaraði Snæfell alltaf fyrir sig þegar Blikar reyndu að gera atlögu að forystunni. Snæfellskonur eru mjög sterkar og voru einfaldlega einu númeri of stórt fyrir gestina. Þær héldu einbeitingunni allan tímann og sigurinn var í raun og veru aldrei í hættu. Þær leiddu með níu stigum eftir þriðja leikhluta og sigruðu að lokum með ellefu stigum, 80-69.
Kristen McCarthy var öflug að vanda á báðum endum vallarins. Hún skoraði 21 stig, tók tólf fráköst, gaf tíu stoðsendingar og stal sjö boltum. Gunnhildur Gunnarsdóttir var með 21 stig, Berglind Gunnarsdóttir 15 stig, fimm fráköst og fimm stoðsendingar og Angelika Kowalska var með tíu stig og tíu fráköst.
Sanja Orazovic skoraði 24 stig fyrir Breiðablik, tók tíu fráköst og gaf fimm stoðsendingar. Kelly Faris var með 24 stig einnig og tólf fráköst og Ragnheiður Björk Einarsdóttir skoraði ellefu stig og tók sex fráköst.
Snæfell trónir á toppi deildarinnar með 14 stig eftir átta leiki, tveimur stigum á undan næstu liðum. Næsti leikur Snæfells er einmitt toppslagur gegn Keflavík, sem situr í öðru sæti, sunnudaginn 25. nóvember næstkomandi. Sá leikur fer fram suður með sjó.

Snæfell á toppnum eftir sigur á Breiðabliki