medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Skagamenn tóku á móti Val B í 2. deild karla í körfuknattleik á föstudagskvöld. Eftir jafnan og spennandi leik missti ÍA liðið gestina fram úr sér á lokamínútunum og þurftu því að sætta sig við tap, 78-89.
Þó að leikurinn hafi verið hraður breyttist stigataflan hægt í fyrstu. ÍA pressaði hátt sem getur verið tvíeggja sverð; stundum unnu Skagamenn boltann en stundum komust Valsmenn þrír á móti einum og skoruðu auðveld stig. Engu að síður var lítið skorað en jafnt á með liðunum í fyrri hálfleiknum öllum og staðan að honum loknum var 34-37 fyrir gestina.
Skotin fóru að detta hjá báðum liðum strax í þriðja leikhluta. Þannig skoraði ÍA 28 stig gegn 23 stigum gestanna í þriðja leikhluta og leiddu Skagamenn því 62-60 fyrir lokafjórðunginn. Þar skiptust liðin á skora og leiða leikinn með tveimur til fjórum stigum. Það var ekki fyrr en á lokamínútunum að Valsmenn tóku góða rispu og náðu að landa sigrinum með góðum lokaspretti, 78-89.
Chamber Franklin var atkvæðamestur leikmanna ÍA með 26 stig og ellefu fráköst. Næstur honum kom Ómar Örn Helgason skoraði 17 stig og tók tíu fráköst.
Hjá gestunum var Sigurður Stefánsson stigahæstur með 23 stig, 13 fráköst og fimm stoðsendingar. Bergur Ástráðsson skoraði 20 stig og Einar Ólafsson var með tólf stig og 14 fráköst.
ÍA hefur fjögur stig eftir fyrstu fimm leikina og situr í sjötta sæti deildarinnar, en liðin frá þriðja og niður í sjöunda sæti hafa öll fjögur stig. Næst leikur ÍA sunnudaginn 18. nóvember þegar liðið tekur á móti KR B.

Skagamenn misstu af sigrinum