medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Nú í vikunni 12.-18. nóvember helgar Snorrastofa í Reykholti norrænum bókmenntum og Degi íslenskrar tungu krafta sína. Það er samband norrænu félaganna, sem hvetur til vikunnar, nú í 22. sinn. Þar er leitast við að efla lestrargleði og breiða út norrænar bókmenntir. Við upphaf vikunnar verður í Snorrastofu morgunstund með yngstu nemendum á Kleppjárnsreykjum, sem koma í heimsókn í bókhlöðuna mánudaginn 12. nóvember og fá þar að heyra söguna Dagbók ofurhetju eftir Elias og Agnes Våhlund. Það er Ingibjörg Kristleifsdóttir leikskólakennari, sem les fyrir börnin. Á eftir munu börnin eiga næðisstund í bókhlöðunni og veitir Hönnubúð í Reykholti þeim svaladrykk.

Þriðjudaginn 13. nóvember kl. 20:30 flytur Haukur Arnþórsson stjórnsýslufræðingur fyrirlesturinn  „Lestur af pappír og skjá“, sömuleiðis í bókhlöðunni. Þar verður farið yfir nýjar rannsóknarniðurstöður, bæði innlendar og erlendar um samanburð lesmiðla og áhrif snjalltækja á lestur og einbeitingu. Niðurstöðurnar hafa vakið athygli og gefa skemmtilega innsýn í yfirstandandi þróun. Boðið verður að venju til umræðna og kaffiveitinga.

Í Prjóna-bóka-kaffinu fimmtudagskvöldið 15. nóvember les Sigurður Halldórsson á Gullberastöðum úr bók Einars Más Guðmundssonar, Íslenskir kóngar.

Um fyrirlesarann dr. Hauk Arnþórsson má geta þess, að hann á aldarfjórðungs feril í upplýsingatæknigeiranum og rannsakar ekki síst samfélagsleg áhrif upplýsingatækni. Hann hefur verið virkur í rannsóknarstarfi á vegum ESB og er nú nýkominn af viðamikilli ráðstefnu á vegum E-read verkefnisins, sem einmitt fjallaði um lestur og snjalltæki.

Snorrastofa hvetur fólk til að njóta góðrar og gefandi samveru í komandi bókmenntaviku, þar sem leitast er við að efla lestrargleði og breiða út norrænar bókmenntir, auk þess að fjalla um títt nefnda stöðu lesturs á tímum snjallvæðingar.

<em>-fréttatilkynning</em>

Norræn bókmenntavika og Dagur íslenskrar tungu í Snorrastofu