medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Snæfellingar mættu Selfyssingum á útivelli í 1. deild karla í körfuknattleik á laugardag. Eftir nokkuð jafnan fyrri hálfleik datt botninn algerlega úr leik Snæfells í þeim síðari og þeir töpuðu að lokum stórt, 96-51.
Snæfellingar byrjuðu betur, skoruðu fyrstu fimm stig leiksins, höfðu undirtökin lengst framan af fyrsta leikhluta og leiddu að honum loknum, 17-18. Heimamenn voru sterkari í öðrum fjórðungi og tóku stjórn leiksins smám saman í sínar hendur. Þegar hálfleiksflautan gall leiddu Selfyssingar með átta stigum, 43-35.
Það var síðan fátt um fína drætti hjá Snæfelli eftir hléið. Liðið átti afleitan þriðja leikhluta þar sem það skoraði aðeins sex stig. Á meðan settu heimamenn 23 á töfluna og gerðu í raun út um leikinn. Þeir höfðu 25 stiga forskot fyrir lokafjórðunginn, 66-41. Fjórði leikhluti Snæfells var ekki mikið betri en sá fyrri. Þar skoruðu þeir aðeins tíu stig gegn 30 stigum heimamann sem unnu að lokum stórt, 96-51. 
Deandre Mason var eini leikmaður Snæfells sem komst í tveggja stafa tölu á stigatöflunni. Hann lauk leik með 21 stig og níu fráköst.
Það var annað uppi á teningnum í liði Selfyssinga, þar sem fimm skoruðu í tveggja stafa tölu. Snjólfur Marel Stefánsson var stigahæstur með 22 stig og tíu fráköst, Michael Rodriguez skoraði 21 stig, tók fimm fráköst og gaf 11 stoðsendingar, Maciek Klimaszewski var með 16 stig og fimm fráköst, Armanis Kelmelis 13 stig og Hlynur Freyr Einarsson ellefu.
Snæfell er án stiga á botni deildarinnar eftir fimm leiki, en á leik til góða á Sindra sem jafnframt er án stiga. Næst leikur Snæfell föstudaginn 16. nóvember næstkomandi þegar liðið mætir Þór Ak. í Stykkishólmi.

Afleitur síðari hálfleikur Snæfells