Hross tekin úr vörslu eigenda

Matvælastofnun tók tvær hryssur og folöld þeirra úr vörslu hestaeiganda á Suðurlandi í vikunni sem leið. Þetta er í annað skipti á hálfu ári sem sami eigandi er sviptur sömu hrossum. Ástæða vörslusviptingarinnar er ófullnægjandi aðbúnaður hrossanna. Um folöld og mjólkandi hryssur var að ræða sem haldið var í beitarlausu gerði þar sem ekki var tryggur aðgangur að vatni. Einnig var slysahætta í gerðinu. Um endurtekið brot var að ræða og skoðar Matvælastofnun nú frekari aðgerðir gagnvart umráðamanni hrossanna.

Líkar þetta

Fleiri fréttir