medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

Stofnaður hefur verið sjóður til minningar um Heimi Klemenzson tónlistarmann frá Dýrastöðum í Norðurárdal og á döfinni eru fyrstu tónleikarnir sem sjóðurinn stendur fyrir. Það eru vinir, ættingjar og samverkamenn Heimis sem vilja með stofnun sjóðsins halda minningu hans á lofti og sérstaklega elju hans og fagmennsku á tónlistarsviðinu. Ráðgert er að sjóðurinn verði sjálfseignarstofnun. Í undirbúningshópnum eru Viðar Guðmundsson, Eiður Ólason, Jónína Erna Arnardóttir, Jakob G Sigurðsson og Jómundur Rúnar Ingibjartsson.

Í tilkynningu frá undirbúningshópnum segir að afköst Heimis hafi verið mikil þótt árin yrðu ekki mörg. „Eftir Heimi Klemenzson liggur ótrúlega mikið af tónlistarefni, útgefið og óútgefið, að ógleymdum þeim ótal tónlistarviðburðum sem hann átti þátt í eða stóð fyrir. Píanó og orgel voru hans aðal hljóðfæri en hann samdi einnig mikið af tónlist. Hæfileikar Heimis lágu víðar en þegar kom að tónlistartengdum verkefnum þá var sá tími sem í þau fór aldrei talinn eftir. Hlutverk Minningarsjóðs Heimis Klemenzsonar verður að standa við bakið á ungu og efnilegu tónlistarfólki í Borgarfirði og heiðra á þann hátt minningu hans.“

<strong>Fyrstu tónleikarnir framundan</strong>

Fyrsta verkefni minningarsjóðsins verður að standa fyrir fjáröflunartónleikum sem verða í Reykholtskirkju í Borgarfirði föstudaginn 16. nóvember klukkan 20:30. Fjöldi tónlistarfólks leggur fram krafta sína á tónleikunum og gefur vinnu sína. Það eru: Karlakórinn Söngbræður, Soffía Björg, Emma Eyþórsdóttir, Agnes Björgvinsdóttir, Heiðmar og Jakob, Borgarfjarðardætur, Halli Reynis, Eyrún Margrét og Tinna, Viðar og Barbara, Ásta Marý, Uppsveitin og Jónína Erna.

<em>Sjá nánar í auglýsingu sem meðal annars birtist í Skessuhorni sem kom út í dag.</em>

Stofna Minningarsjóð Heimis Klemenzsonar