medium

large

thumbnail

1536x1536

small

custom-size

Skallagrímur úr leik eftir tap gegn Þór

Stefán Bjarki Akranesmeistari í pílu 2024

2048x2048

Vegaskemmdir eftir asahláku á laugardaginn

Fengu gull á vorbikarmótaröð í hnefaleikum

Lúðrasveit lék fyrir Borgnesinga

Skagamenn í öðru sæti eftir stórsigur á Fylki

core/freeform

Mál Verkalýðsfélags Akraness gegn Hval ehf. fyrir Félagsdómi hefur verið fellt niður að kröfu verkalýðsfélagsins. Málskostnaðaður féll niður. Morgunblaðið greindi frá. Forsaga málsins eru deilur VLFA við Hval á liðnu sumri sem áður hefur verið greint frá í Skessuhorni. Verkalýðsfélagið stefndi Hval fyrir félagsdóm og krafðist þess að viðurkennt yrði að gildandi kjarasamningur Starfsgreinasambandsins og Samtaka atvinnulýfsins gilti um kjör starfsmanna í hvalstöðinni í Hvalfirði. Einnig var þess krafist að við störf í Hvalstöðinni hefði ekkert stéttarfélag eða félagsmenn annars stéttarfélags forgang til þeirra starfa umfram VLFA og félagsmenn þess. Sömuleiðis var þess krafist að viðurkennt yrði að fyrirtækið hefði brotið lög um stéttarfélög og vinnudeilur í aðdraganda síðustu vertíðar, með því að beina því til starfsmanna að þeir ættu aðeins samskipti við Stéttarfélag Vesturlands og lýsa því yfir að fyrirtækið myndi einungis greiða stéttarfélagsgjöld til þess, sem og að setja það skilyrði við starfsmenn Hvals að þeir skyldu ekki vera félagsmenn í VLFA.

Ekki ágreiningur um kjarsamningsatriði

Gerð var krafa um að Hvalur yrði sektaður fyrir lögbrot og að viðurkennd yrði skaðabótaskylda fyrirtækisins gagnvart verkalýðsfélaginu vegna afskipta að stéttarfélagsaðild starfsmanna. Einnig var gerð krafa um að Hvalur bæri málskostnað vegna málarekstursins. Krafa Hvals var að málinu yrði vísað frá sem og að málskostnaður yrði greiddur af VLFA.

Það var síðan í þinghaldi 12. september sem VLFA krafðist þess að málið yrði fellt niður og Hvalur greiddi málskostnaðinn. Af bréfaskriftum málsaðila varð ráðið að það hafi ekki verið fyrr en greinargerð stefnda í málinu var lögð fram sem ljóst var að enginn ágreiningur væri um þessi atriðið. Þess vegna lýsti Hvalur því að ekki yrði krafist sýknu vegna fyrsta og annars töluliðar. Hins vegar krefðist fyrirtækið sýknu af öðrum kröfuliðum. Félagsdómur ákvað því að fella málið niður og þótti rétt að hvor aðili bæri sinn kostnað vegna málarekstursins.

Í yfirlýsingu frá Hval segir að upphaflegar dómkröfur VLFA hafi lotið annars vegar að því að enginn sérkjarasamningur væri í gildi milli Hvals og StéttVest varðandi störf í hvalstöðinni, þar með talinn forgangsréttur félagsmanna StéttVest til vinnu. Ráðningasamböndin lytu almennum kjarasamning SGS og SA. Fyrirtækið lýsti því í greinagerð fyrir dómi að enginn ágrenningur væri gerður um þessi atriði, eftir að fyrirtækið leitaði eftir formlegri afstöðu StéttVest til þess að enginn sérkjarasamningur væri í gildi milli fyrirtækisins og stéttarfélagsins. Breytt afstaða fyrirtækisins hafi helgast af afstöðu StéttVest, ekki málatilbúnaði VLFA. Fyrirtækið hafnaði því hins vegar að hafa sett það skilyrði um ráðningu starfsmanna að þeir væru ekki félagar í VLFA.

Gengið að kröfum

Vilhjálmur Birgisson, formaður VLFA, segir í frétt Morgunblaðsins að ekkert sé óeðlilegt við að verkalýðsfélagið hafi óskað eftir því að mál yrði fellt niður, þar sem gengið hafi verið að kröfum þess. „Við gátum ekki haldið áfram þegar búið var að uppfylla þrjár helstu kröfur okkar. Starfsmönnum Hvals var heimilað að vera í Verkalýðsfélagi Akraness. Það var viðurkennt að kjarasamningur Starfsgreinasambandsins gilti fyrir þessi störf og Hvalur skilaði síðan félagsgjöldum af félgsmönnum sem vildu vera í Verkalýðsfélagi Akraness,“ segir hann. „Þá stóð eftir ein krafa sem var um skaðabætur vegna þess tjóns sem félagið hafði orðið fyrir. Það var ekki hægt að sýna fram á skaða því það var búið að uppfylla allt. Þetta var fullnaðarsigur í málinu en hafðist ekki fyrr en búið var að vísa málinu til Félagsdóms,“ segir Vilhjálmur enn fremur.

Engin viðurkenning

Forsvarsmenn Hvals eru hins vegar á öndverðum meiði og segja úrskurðinn ekki fela í sér neina viðurkenningu á málatilbúnaði VLFA. „Við það að fara í alla þessa vegferð og endalausar ávirðingar í fjölmiðlum og draga svo málið til baka þá hlaupa þeir í burtu,“ er haft eftir Kristjáni Loftssyni, framkvæmdastjóra Hvals, í Morgunblaðinu. „Formaðurinn er fyrir mér eins og físibelgur sem blæs sig út og svo tæmist loftið úr honum og þá hleypur hann burt með skottið á milli lappanna.“

Mál gegn Hval fellt niður að kröfu VLFA