medium

large

thumbnail

1536x1536

2048x2048

small

custom-size

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

Lóa Arianna sigraði í Stóru upplestrarkeppninni

core/freeform

Snæfell og Stjarnan mættust í stórleik þriðju umferðar Domino‘s deildar kvenna í körfuknattleik í gærkvöldi. Leikið var á heimavelli Stjörnunnar, Mathús Garðabæjar höllinni. Bæði lið voru taplaus fyrir leik gærkvöldsins og því jöfn að stigum á toppi deildarinnar. Búist var við hörkuleik og sú varð einmitt raunin, en að lokum náðu Snæfellskonur að knýja fram nokkuð torsóttan sigur, 53-62.

Stjarnan byrjaði leikinn af miklum krafti, náðu góði flæði í sóknarleiknum og léku þétta vörn sem gerði Snæfellskonum erfitt fyrir í upphafi leiks. Stjarnan leiddi því eftir upphafsfjórðunginn, 20-11. Snæfell skellti í lás í vörninni í öðrum leikhluta og hélt Stjörnunni í aðeins níu stigum allan leikhlutann og tókst að minnka muninn niður í fjögur stig áður en flautað var til hálfleiks, 29-25. Eftir það var leikurinn í járnum. Liðin skiptust á að leiða allt þar til tvær mínútur lifðu leiks þegar Stjarnan leiddi með 53 stigum gegn 50. Virtist stefna í æsispennandi lokamínútur þegar Snæfellskonur tóku öll völd á vellinum, skoruðu síðustu tólf stig leiksins og tryggðu sér sigurinn með frábærum endaspretti.

Angelika Kowalska var atkvæðamest í liði Snæfells með 15 stig, átta fráköst og fimm stoðsendingar. Kristen McCarthy skoraði 14 stig, tók ellefu fráköst og stal fjórum boltum og Berglind Gunnarsdóttir var með 13 stig og sex fráköst.

Danielle Rodriguez var eini leikmaður Stjörnunnar sem komst í tveggja stafa tölu á stigatöflunni. Hún skoraði 20 stig, tók 13 fráköst að auki og gaf sjö stoðsendingar.

Snæfell hefur sigrað alla leiki sína í Domino‘s deildinni það sem af er vetri. Liðið situr með sex stig á toppi deildarinnar, tveimur stigum á undan næstu liðum. Næst leika Snæfellskonur gegn KR á útivelli á sunnudaginn, 21. október næstkomandi.

Snæfell sigraði stórleik umferðarinnar