medium

large

thumbnail

1536x1536

2048x2048

small

custom-size

Fjölmenning í Grundaskóla – myndasyrpa

Knittable verður framlag Íslands í Creative Business Cup

Mótmæla harðlega öllum áformum um vindorkuver í nágrenni Norðurár

Þriðja úthlutun úr Framkvæmdasjóði DalaAuðs

Skallagrímur vann Þór og tryggði sér oddaleik

Fellsströndin og Gullni söguhringurinn

core/freeform

Fyrirlestur dr. Hauks Þorgeirssonar í minningu Snorra Sturlusonar, sem fresta þurfti 2. október síðastliðinn verður á dagskrá í Bókhlöðu Snorrastofu annað kvöld, þriðjudaginn 16. október kl. 20:30. „Eins og áður hefur komið fram gerir Haukur þar grein fyrir leitinni að höfundi Íslendingasagna, sem á áhugaverðan hátt tengist nafni Snorra.  Snorrastofa hvetur fólk til að kynna sér þær áhugaverðu rannsóknir, sem Haukur hefur stundað og framtíðarsýn þeirra, sem ástunda slíka höfundaleit,“ segir í tilkynningu.

<strong>Um fyrirlesturinn segir Haukur sjálfur:</strong>

„Hverjir sömdu Íslendinga sögurnar? Í miðaldahandritum er engin þeirra eignuð höfundi með skýrum hætti en fræðimenn hafa með ýmsum rökum tengt þær við nafngreinda einstaklinga frá 13. öld. Sérstaklega hefur sjónum verið beint að Sturlungum. Egils saga hefur verið kennd Snorra Sturlusyni og Laxdæla saga Ólafi Þórðarsyni. Sturla Þórðarson hefur verið orðaður við Eyrbyggja sögu, Grettis sögu, Njáls sögu og Gull-Þóris sögu. Rökin fyrir þessu eru missterk. Í erindinu verður rætt um þau rök sem beitt hefur verið á þessu sviði og sérstaklega fjallað um um stórtækan samanburð á orðtíðni textanna. Stílmæling með aðstoð hugbúnaðar er aðferð sem hefur sannað gildi sitt við rannsóknir á höfundum en hún hefur einnig ákveðnar takmarkanir, sérstaklega þegar henni er beitt á texta frá miðöldum. Farið verður yfir nýlegar rannsóknir á sviðinu og reifað hvers konar framhaldsrannsóknir gætu varpað frekara ljósi á málin.“

Haukur Þorgeirsson er rannsóknardósent við Stofnun Árna Magnússonar í íslenskum fræðum. Hann hefur doktorspróf í íslenskri málfræði og MS-próf í tölvunarfræði. Í rannsóknum sínum hefur Haukur fengist við forna texta frá málfræðilegu og textafræðilegu sjónarmiði.

Eftir fyrirlesturinn verður boðið til kaffiveitinga og umræðna. Aðgangur er kr. 500.

Sömdu Sturlungar þetta allt saman?