medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Tryggingafélagið VÍS í Reykjavík hefur sent tilkynningu þar sem bent er á tíð vatnstjón sem einkum verður vart á haustin þegar ofnar eru keyrðir upp eftir sumarið:

„Vatnstjón vegna leka út frá ofnum eru algeng á íslenskum heimilum en 3ja hvern dag er slíkt tjón tilkynnt til VÍS. Oft má sjá fyrirboða slíks tjóns á ofnum, til dæmis ryðbletti eða útfellingar á samskeytum. Það er því mikilvægt að skoða ofnana og skipta þeim út, ef þessi einkenni eru sýnileg.

Á haustin eykst álag á ofnakerfið þegar kólnar á ný. Þá er algengt að ofnarnir hitni ekki almennilega eftir að hafa haft lítið rennsli yfir sumarið. Til að koma rennsli af stað er einkum þrennt sem getur þurft að gera: 1) Liðka pinnann til sem er bakvið hitanemann (termóstatið). 2) Skipta um pakkdósina sem pinninn er í og 3) tæma loft af ofninum með þar til gerðum lykli. Mikilvægt er að bera sig rétt að þegar farið er yfir þessa hluti. Ef fólk kann ekki til verka þá mælum við með að fagmaður sé fenginn í verkið því ef eitthvað fer úrskeiðis getur heitt vatn lekið með tilheyrandi hættu á að menn brenni sig eða vatnstjón verði. VÍS hvetur alla til að gefa sér tíma til að skoða ástand ofnanna á heimilinu, en samkvæmt tölfræði okkar verða flest vatnstjón út frá ofnum í október til desember.“

Vatnstjón vegna lekra ofna á þriggja daga fresti