medium

large

thumbnail

1536x1536

2048x2048

small

custom-size

Katrín í framboði til forseta

Ræddu skipulag á Jaðarsbökkum

Fjölmennt á íbúafundi vegna skólamála í Varmalandi

Lögreglan fræddi Lions konur um netöryggi

Sagnamaðurinn Einar

Guðlaug Erlendsdóttir ráðin í starf skólastjóra við Grunnskólann í Borgarnesi

core/freeform

Snæfell tapaði stórt gegn Vestra, 80-47, þegar liðin mættust á Ísafirði í fyrstu umferð 1. deildar karla í körfuknattleik á föstudagskvöld.

Snæfellingar skoruðu fyrstu stig leiksins, sem fór rólega af stað, en ekki leið á löngu þar til heimamenn í Vestra náðu undirtökunum og leiddu með sex stigum að loknum fyrsta leikhluta, 14-8. Snæfellingar héldu í við Vestra framan af öðrum fjórðungi og um hann miðjan var staðan 24-18. Þá náðu heimamenn góðum kafla á meðan hvorki gekk né rak hjá Snæfelli. Fyrir vikið leiddi Vestri með 17 stigum í hálfleik, 37-20.

Snæfellingar náðu ekki að koma til baka í síðari hálfleik. Heimamenn héldu uppteknum hætti í þriðja leikhluta og framan af þeim fjórða. Á lokakafla leiksins bættu Vestramenn svo enn við forskot sitt og unnu að lokum stórsigur, 80-47.

Dominykas Zupkauskas var stigahæstur í liði Snæfells með 17 stig og sex fráköst að auki. Darrell Flake skoraði tíu stig og tók sex fráköst en aðrir höfðu minna.

Nebosja Knazevic var atkvæðamestur í liði Vestra með 26 stig, tíu fráköst og níu stoðsendingar. Nemanja Knazevic skoraði 18 stig og reif niður 18 fráköst.

Næst leikur Snæfell föstudaginn 12. október næstkomandi þegar liðið tekur á móti Hetti í fyrsta heimaleik vetrarins.

Snæfell steinlá gegn Vestra