medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Sauðamessa var fyrst haldin í Borgarnesi haustið 2004, en þessi árlega hátíð verður eins og kunnugt er um næstu helgi. Þessi hátíð til heiðurs íslensku sauðkindinni hefur laðað að þúsundir gesta, en talið var að um fjögur þúsund manns hafi sótt hana 2004. Einn er sá dagskrárliður sem haldist hefur óbreyttur alla tíð, en það er lærakappát. Elduð er jafn þung sauðalæri sem lögð eru fyrir keppendur til áts og afgangurinn síðan viktaður. Talið er að met sem sett var fyrsta árið standi enn óhaggað. Á meðfylgjandi mynd taka fyrstu keppendur á því. Frá vinstri eru Sigurgeir Sindri Sigurgeirsson í Bakkakoti, Baldur Jónsson, þáverandi formaður Verkalýðsfélags Borgarness og nú starfsmaður KB og Guðlaugur Þór Þórðarson ráðherra, þáverandi þingmaður og borgarfulltrúi, en ætíð Borgnesingur. Baldur sigraði í keppninni, sporðrenndi rúmum 1100 grömmum á mettíma, Guðlaugur varð í öðru sæti en öllu óvæntara þótti að Sigurgeir Sindri rak lestina, hesthúsaði einungis rúmum 800 grömmum. Þess má geta að met síðustu ára hafa verið þetta um og yfir hálft kíló af kjöti, þannig að það vel má taka vel á því ef hrófla á við fjórtán ára gömlu meti Baldurs Jónssonar á laugardaginn.

Met Baldurs stendur enn óhaggað