medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Um nónbil í dag fór fram undirskrift samnings þar sem Spölur, eigandi Hvalfjarðarganga, afhenti íslensku þjóðinni göngin til eignar. Hér er um eina stærstu gjöf að ræða sem íslenska ríkinu hefur verið afhent, jafnvel frá því þegar Bretar gáfu flugvellinn í Vatnsmýri. Klukkan 16 í dag gekk svo samningurinn í gildi og yfirfærslan hefur því farið fram. Eins og kunnugt er var hætt að innheimta veggjöld á föstudaginn. Undirskrift samningsins fór fram við útskot við nyrðri munna ganganna. Viðstaddir voru fyrrum samgönguráðherrar, fulltrúar Vegagerðar, þingmenn, fulltrúar eigenda Spalar og aðrir gestir. Gestum var svo boðið til móttöku í húsi Frímúrara á Akranesi, en í sama sal fór einmitt stofnfundur Spalar fram um miðjan tíunda áratuginn. Gísli Gíslason formaður stjórnar Spalar rakti þar sögu ganganna og minntist þeirra sem hefðu komið að stofnun og rekstri þeirra, en eru fallnir frá.

Sigurður Ingi Jóhannsson samgönguráðherra skrifaði undir samninginn fyrir hönd íslenska ríkisins. Hann sagði í samtali við Skessuhorn að Hvalfjarðargöng hafi ekki einvörðungu verið fyrsta vegaframkvæmdin sem unnin var í einkaframkvæmd hér á landi, heldur hefði það einkennt verkið frá upphafi að allar áætlanir gengu eftir. Vandað hefði verið til allra verka og göngunum nú skilað, skuldlausum til Íslendinga. Þakkaði hann Speli, vegfarendum og ekki síst íbúum norðan Hvalfjarðar fyrir hlut þeirra í verkinu.

Íslenska ríkinu afhent Hvalfjarðargöng til eignar