medium

thumbnail

small

custom-size

Opnað fyrir umsóknir í fjárfestingastuðning í kornrækt

large

1536x1536

2048x2048

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

Katrín með forskot á aðra frambjóðendur samkvæmt nýjustu könnun

Ráðstefnan Nýsköpun í skólastarfi haldin í Menntaskóla Borgarfjarðar

core/freeform

Landsþing Sambands íslenskara sveitarfélaga fer nú fram á Akureyri. Í ávarpi sem Sigurður Ingi Jóhannsson ráðherra sveitarstjórnarmála flutti, ræddi hann meðal annars um stærð og fjölda sveitarfélaga. Þau voru um 200 árið 1990 en eru nú 72. „Við stöndum frammi fyrir því að mörg sveitarfélaganna eru fámenn. Og sú spurning gerist áleitnari hvort þau séu nægjanlega vel í stakk búin til að takast á við þessarar áskoranir,“ sagði ráðherra. „Meira en helmingur sveitarfélaga er með færri en eitt þúsund íbúa, það er að segja 39 þeirra, og 25 sveitarfélög hafa færri en 500 íbúa, eða ríflega þriðjungur. Verkefnisstjórn um stöðu og framtíð íslenskra sveitarfélaga, sem skilaði áliti sínu og tillögum á síðasta ári, komst að þeirri niðurstöðu að sveitarfélögin væru of fámenn. Það viðhorf hafi einnig komið fram í samtölum verkefnisstjórnar við sveitarstjórnarfólk um land allt.“

Þá sagði Sigurður Ingi að mikill tími og fjármunir fari í rekstur sveitarfélaga og of lítið væri aflögu til stefnumótunar og til að móta framtíðarsýn fyrir sveitarfélögin. „Það var mat verkefnisstjórnar að núverandi sveitarstjórnarskipan sé að hluta til haldið við með samstarfi á milli sveitarfélaga, með samningum um samvinnu, byggðasamlögum eða á vettvangi landshlutasamtaka. Núverandi uppbygging Jöfnunarsjóðs komi þar einnig við sögu. Ég get tekið undir þetta.“

Í lok ræðu sinnar sagði Sigurður Ingi: „En hættan er sú að sveitarfélögin þróist með ólíkum hætti, stefnulítið og geta þeirra til að sinna verkefnum og skyldum verði afar ólík.“

Sveitarfélög eru of mörg og fámenn