medium

large

thumbnail

1536x1536

2048x2048

small

custom-size

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

Katrín með forskot á aðra frambjóðendur samkvæmt nýjustu könnun

Ráðstefnan Nýsköpun í skólastarfi haldin í Menntaskóla Borgarfjarðar

Þriðja úthlutun úr Frumkvæðissjóði DalaAuðs

core/freeform

Á fundi byggðarráðs Borgarbyggðar í gær tók ráðið undir bókun Samtaka sveitarfélaga á Vesturlandi frá haustþingi SSV 21. september síðastliðinn þar sem lýst var vonbrigðum með þér fréttir frá VÍS að loka á öllum starfsstöðvum á Vesturlandi um næstu mánaðamót. Í ályktun SSV sagði m.a: „Þessi ákvörðun er óásættanleg fyrir viðskiptavini og starfsfólk VÍS á svæðinu sem margir hverjir hafa verið í áratugi í viðskiptum og störfum við og fyrir félagið. Skorað er á sveitarfélög, fyrirtæki og einstaklinga á svæðinu að bregðast við þessari ákvörðun VÍS með því að endurskoða viðskipti sín við fyrirtækið.“

Í bókun byggðarráðs segir að ljóst sé að eitt af útibúum VÍS er staðsett í Borgarnesi og á að loka því um næstu mánaðamót. „Byggðarráð ályktar að það sé ljóst að ákveðnar breytingar eru óhjákvæmilegar í ljósi hraðra framþróunar á sviði tækni- og samskiptamála. Þó er ljóst að það er ekkert því til fyrirstöðu að fyrirtæki geti rekið starfsstöðvar sínar annars staðar en á höfuðborgarsvæðinu og sinnt sínum störfum þaðan en í ljósi þess er eðlilegt að horfa einnig til þróunar í byggðamálum. Byggðarráð hvetur fyrirtæki til að sína samstöðu um að standa vörð um störf í sinni heimabyggð og úti á landsbyggðinni og tekur áskorun SSV um að endurskoða viðskipti við umrætt fyrirtæki.“

Þá segir í bókuninni að við síðasta útboð um tryggingar fyrir Borgarbyggð áskildi Borgarbyggð sér fullan rétt til að gera það að ákvörðunarástæðu fyrir því að að tilboði yrði tekið, að það tyggingafélag sem samið verði við hafi opna umboðsskrifstofu í Borgarbyggð með daglegan opnunartíma virka daga. „Tekið var tilboði frá VÍS eftir framangreint útboð og í ljósi ofangreinds er um að ræða forsendubrest þar sem áætlað er að loka útbúi tryggingafélagsins í Borgarbyggð. Því verður þessi samningur tekinn til endurskoðunar af hálfu sveitarfélagsins.“

Borgarbyggð endurskoðar tryggingasamning sinn við VÍS