medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

Fyrr í sumar var nýr gervigrasvöllur í Ólafsvík tekinn í notkun og er völlurinn með þeim betri á landinu. Þar spilar Víkingur Ólafsvík sína heimaleiki í knattspyrnu. Nú er verið að bæta aðstöðu til knattspyrnuiðkunar í bænum enn frekar með byggingu nýs battavallar. Þegar er búið að steypa rammann utan um battavöllinn sjálfan sem staðsettur er við norðvestur enda vallarins. Í framhaldi af því verður sett gervigras á hann. Battavöllur er afmarkað rými til að æfa sendingar og móttöku bolta. Æfingarými sem þetta er til að auka snerpu og sendingarhæfni fótboltaiðkenda og til þess að fá meiri fjölbreytni í æfingarnar. Einnig er þetta afbragðs æfingasvæði fyrir markmenn til að æfa sig í að verja stuttu boltana. Fyrst og fremst verður battavöllurinn fyrir fótboltaiðkendur en mögulega verður hægt að nýta hann til fleiri íþrótta. „Þegar völlurinn verður kominn í gagnið verður hann opinn öllum,“ segir Sigrún Ólafsdóttir, íþrótta- og æskulýðsfulltrúi Snæfellsbæjar í samtali við Skessuhorn.

<strong>Gróðursetja aspir</strong>

Á hinum enda Ólafsvíkurvallar voru aspir nýverið gróðursettar. Þegar blaðamann bar að garði fyrir helgi voru þrír vaskir menn og miklir Víkingsstuðningsmenn, þeir Vagn Ingólfsson, Aðalsteinn Snæbjörnsson og Hilmar Hauksson að sinna gróðursetningunni í veðurblíðunni. Með öspunum er vonast til í framtíðinni, þegar trén vaxa, að myndast muni betra skjól í kringum völlinn sem nú er fremur berskjaldaður fyrir vindinum. „Þegar trén stækka þá verður það bara til að gera svæðið fallegra, það er að segja ef þau stækka. Það er oft erfitt að segja til um hvort tré lifi á þessu svæði vegna þess hér getur komið strengur upp frá sjónum sem hefur áhrif á trjávöxt. Við höldum samt í vonina að þessi tré nái að dafna,“ segir Sigrún bjartsýn. „Strákarnir eru að gróðursetja í sjálfboðavinnu, þeir eru algjörir snillingar þessir menn. Það er alls ekkert sjálfgefið að hafa svona starfskrafta í bæjarfélögum, fólk sem er annt um bæinn sinn og vill allt fyrir hann gera. Það er svo gaman þegar fólk vinnur svona þétt saman. Við erum mjög heppin með íbúa hér í Snæfellsbæ,“ segir Sigrún stolt að lokum.

[caption id="attachment_25006" align="alignnone" width="600"]<img class="wp-image-25006 size-medium" src="https://skessuhorn.is/wp-content/uploads/2018/09/Ólafsvíkingar-bæta-aðstöðu-til-fótboltaiðkunar_3-600x400.jpg" alt="" width="600" height="400" /> Hilmar Hauksson, Aðalsteinn Snæbjörnsson og Vagn Ingólfsson tóku sér hlé frá gróðursetningu fyrir myndatöku. Ljósm. glh.[/caption]

Ólafsvíkingar bæta aðstöðu til fótboltaiðkunar