medium

large

thumbnail

1536x1536

2048x2048

small

custom-size

Samið um byggingu íþróttahúss á Heiðarborg

Góð helgi að baki í skíðabrekkunum

Skallagrímur tapaði naumlega fyrir Þór

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

core/freeform

Haustþing Samtaka sveitarfélaga á Vesturlandi hefst á morgun, fimmtudaginn 20. september, og stendur yfir þar til í hádeginu á föstudag. Sá háttur verður hafður á að þessu sinni að halda þingið á tveimur dögum. Er það gert til að gefa nýju sveitarstjórnarfólki tækifæri til að kynnast auk þess sem kynning verður á starsfemi SSV. Samþykkt var á síðasta haustþingi að hafa þann háttinn á við upphaf nýhafins kjörtímabils. Að loknum kynningum og starfi vinnuhópa á fimmtudag verða hefðbundin haustþingsstörf á dagskrá, sem og ávörp gesta. Gestir haustþings að þessu sinni eru Sigurður Ingi Jóhannsson, samgöngu- og sveitarstjórnarráðherra, Haraldur Benediktsson, fyrsti þingmaður Norðvesturkjördæmis og Valur Rafn Halldórsson, sviðsstjóri hjá Sambandi íslenskra sveitarfélaga. Á föstudagsmorgun eru pallborðsumræður á dagskrá og að þessu sinni verða rædd velferðarmál á Vesturlandi. Rakel Óskarsdóttir, formaður SSV, kynnir vinnu við velferðarstefnu Vesturlands, en hún er jafnframt formaður vinnuhóps um stefnuna. Auk Rakelar sitja í pallborðinu; Ásmundur Einar Daðason, félags- og jafnréttismálaráðherra, Jóhanna Fjóla Jóhannesdóttir, forstjóri Heilbrigðisstofnunar Vesturlands, Inga Björk Margrétar Bjarnadóttir, baráttukona fyrir réttindum fatlaðs fólks, Bjarki Þorsteinsson, framkvæmdastjóri dvalar- og hjúkrunarheimilisins Brákarhlíðar í Borgarnesi og varaformaður Samtaka fyrirtækja í öldrunarþjónustu.

Haustþing SSV hefst á morgun