medium

large

thumbnail

1536x1536

2048x2048

small

custom-size

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

Úrslit í stærðfræðikeppni grunnskólanna á Vesturlandi

core/freeform

Meistaraflokkur ÍA kvenna í knattspyrnu gerði góða ferð til Akureyrar þegar þær sigruðu lið Hamranna síðasta föstudag í 18. umferð Inkassodeildar. Leikurinn var jafnframt síðasti leikur Íslandsmótins. Fyrir viðureignina var ljóst að ÍA náði ekki að tryggja sér sæti í efstu deild að ári og þess vegna leikurinn einungis til að enda tímabilið vel. Aftur á móti var viðureignin gífurlega mikilvæg stelpunum úr Hamri sem þurftu nauðsynlega á sigri að halda til að falla ekki niður um deild.

Mikil stöðubarátta einkenndi upphafsmínútur leiksins þar sem hvorugt liðið ætlaði að gefa eftir. Skagastelpur áttu fyrsta mark leiksins sem kom á 36. mínútu þegar Unnur Ýr átti góða sendingu á Mareni Leósdóttur sem skilaði boltanum í netið. Ekki fleira markvert skeði það sem eftir var af hálfleik og leiddi ÍA 1-0 þegar gengið var til klefa.

Hamrarnir byrjuðu síðari hálfleik af krafti og gáfu lítið eftir. Vörn þeirra gulklæddu stóð sterk og létu Akureyringa hafa fyrir öllu sínu. Það var svo um miðbik síðari hálfleiks að Unnur Ýr Haraldsdóttir og Bergdís Fanney Einarsdóttir áttu gott samspil sem endaði með því að Bergdís Fanney skoraði og kom ÍA í 2-0. Ekki komu fleiri mörk hjá liðunum og Skagasigur staðreynd.

ÍA endar tímabilið í þriðja sæti deildarinnar og þarf að bíða í ár til að reyna við sæti í Pepsideildinni að nýju.

Skagastelpur sigruðu í síðasta leik tímabilsins