medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

„Heilbrigðisráðherra hefur fallist á þá ákvörðun Sjúkratrygginga Íslands og Ríkiskaupa um að fresta opnun útboðs vegna kaupa á sjúkrabílum um fjóra mánuði. Miðað við þetta ætti að vera unnt að taka nýja sjúkrabíla í notkun fyrir lok næsta árs,“ segir í tilkynningu frá velferðarráðuneytinu. Eins og áður hefur verið greint frá í Skessuhorni hefur verið uppi ágreiningur milli Rauða kross Íslands og velferðarráðuneytis um eignarhald á sjúkrabílum landsins. Ríkið hefur staðið straum af kaupum nýrra sjúkrabíla að stærstum hluta en eignarhaldið verið Rauða krossins. Jafnframt hefur RKÍ krossinn séð um að útvega og annast rekstur sjúkrabíla og búnaðar frá árinu 1998, þegar fyrsti samningurinn um þá þjónustu tók gildi. Síðasti samningur RKÍ og Sjúkratrygginga Íslands rann hins vegar út í árslok 2015. Síðan þá hefur verið unnið á grundvelli samningsins og viðræður farið fram milli SÍ og RKÍ um nýjan samning. Það var síðan í mars á þessu ári, í kjölfar viðræðna við velferðarráðuneytið, sem Rauði krossinn sagði sig frá rekstri sjúkrabílanna.

Í kjölfar þess var kallaður saman hópur sérfræðinga á sviði sjúraflutninga, ráðuneytinu til ráðgjafar. Meðal þess sem hópurinn lagði til var að ráðist yrði í útboð á allt að 25 sjúkrabílum í samtarfi við Ríkiskaup. Útboðið var auglýst á Evrópska efnahagssvæðinu 18. júlí síðastliðinn. Samkvæmt því var miðað við að Sjúkrabílasjóður stæði straum af kaupum bílanna, en sjóðurinn er fjármagnaður að stærstum hluta með framlögum ríkisins og tekjum af sjúkraflutningum, að því er fram kemur í tilkynningu velferðarráðuneytisins. „Framlög velferðarráðuneytisins í sjóðinn árin 2016 og 2017 námu samtals tæpum 440 milljónum króna og tekjur vegna flutninga um 640 milljónum króna, samkvæmt því sem fram kemur í rekstrarreikningi Sjúkrabílasjóðs fyrir árið 2017,“ segir í tilkynningunni. „Velferðarráðuneytið hefur talið óumdeilanlegt að framlög ríkisins í Sjúkrabílasjóðinn og tekjur hans vegna flutninga skuli renna til kaupa og reksturs sjúkrabíla. Viðræður standa enn yfir við RKÍ um breytt fyrirkomulag en þar sem niðurstaða hefur ekki náðst hefur ofangreind ákvörðun verið tekin um frestun útboðs.“

&nbsp;

<strong>Engin endurnýjun í þrjú ár</strong>

Engir sjúkrabílar hafa verið keyptir frá því samningur RKÍ og SÍ rann út árið 2015. Skömmu eftir að RKÍ sagði sig endanlega frá samningnum í mars ræddi Skessuhorn við Gísla Björnsson, yfirmann sjúkraflutninga hjá Heilbrigðisstofnun Vesturlands. Hann sagði þá að ástand sjúkrabílaflotans væri algerlega óviðunandi og að endurnýjun flotans þyldi enga bið. Tvisvar í sömu vikunni hafði þá sami sjúkrabíll stofnunarinnar bilað meðan honum var ekið með sjúkling í forgangsakstri. Á vormánuðum voru tíu af sextán sjúkrabílum HVE meira en tíu ára gamlir, þar af tveir eldri en 20 ára og einn 19 ára. Meðalaldur bílanna var tæp tólf ár. Sagði Gísli enn fremur að ástand sjúkrabílaflotans á Vesturlandi væri dæmigert fyrir landið allt. „Það er óþolandi ástand að hafa ekki örugg tæki sem maður getur treyst þegar þarf að flytja fólk, þar sem líf og limir eru undir,“ sagði Gísli í samtali við Skessuhorn í mars.

Kaupum á sjúkrabílum frestað um fjóra mánuði