medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Á morgun, laugardaginn 15. september, verða liðin 25 ár síðan ÍA sigraði hollenska stórliðið Feyenoord í 1. umferð Evrópukeppni meistaraliða. Liðin mættust á Laugardalsvelli þennan dag árið 1993 og lauk leiknum með 1-0 sigri ÍA. Sigur ÍA á Feyenoord hefur lengi verið talinn einn sá fræknasti sem íslenskt félagslið hefur nokkru sinni unnið. Fáir bjuggust við þessum úrslitum fyrir leikinn og vöktu þau athygli um alla Evrópu.

&nbsp;

Þrumuskalli Óla Þórðar

Eina mark leiksins skoraði Ólafur Þórðarson á 75. mínútu með þrumuskalla eftir lipra skyndisókn Skagamanna. Sigursteinn Gíslason lyfti boltanum snyrtilega úr á Mihajlo Bibercic á vinstri kantinum. Þaðan lagði hann boltann á Harald Ingólfsson en tók sjálfur á rás upp kantinn. Haraldur sendi boltann í svæði ofar á vinstri kantinum, beint í hlaupalínu Bibercis, sem kom síðan með fyrirgjöfina sem sveif í átt að vítapunktinum. Þar kom Ólafur á fleygiferð, stakk sér fram fyrir varnarmann Feyenoord og stangaði boltann í hornið niðri. „Það flaug í gegnum hugann þegar sendingin kom frá Bibercic, að setja hann í hornið. Ég smeygði mér framhjá varnarmanninum og hitti boltann vel og það var gaman að sjá hann hafna í netinu. Þetta er án efa eitt fallegasta og mikilvægasta markið á ferlinum,“ sagði Ólafur Þórðarson í samtali við Morgunblaðið að leik loknum. Sigurður Jónsson tók undir það með liðsfélaga sínum. „Við lékum vel í fyrri hálfleik og létum þá boltann ganga en það gekk ekki alveg eins vel í þeim seinni, eða þar til þetta líka mark kom - þvílíkt mark frá minnsta leikmanninum á vellinum. Annars er Óli búinn að vera að gera þetta á æfingum svo þetta kom ekkert á óvart,“ sagði Sigurður og hló.

[embed]https://www.youtube.com/watch?v=EkjqP2CjSFg[/embed]

&nbsp;

„Hneyksli“ sögðu hollenskir fjölmiðlar

Hollenskir fjölmiðlar fóru ófögrum orðum um frammistöðu Feyenoord í leiknum gegn ÍA. Hollensku meistararnir voru þá taplausir á tímabilinu, þar til á Laugardalsvelli. „Hneyksli að 11 ólaunaðir leikmenn í pínulitlu félagi á Íslandi vinni besta knattspyrnulið Hollands,“ sagði í einu blaðanna. „Skagamenn léku mjög vel og miklu betur en við bjuggumst við. Það er ótrúlegt að þessir leikmenn skuli vera áhugamenn. Það eru margir góðir leikmenn í liðinu sem ráða yfir góðri knatttækni,“ sagði Errol Refus, hægri bakvörður Feyenoord, í samtali við Morgunblaðið.

Tvíburarnir Arnar og Bjarki Gunnlaugssynir frá Akranesi höfðu gengið í raðir Feyenoord frá ÍA árið áður og Arnar spilaði fyrir Feyenoord í leiknum á Laugardalsvelli. „Skagamenn spiluð mjög vel og náðu að loka vel svæðum Ég fékk ekki mikið rými á kantinum,“ sagði Arnar í samtali við Morgunblaðið eftir leik. „Mér leið mjög undarlega í leiknum. Það var skrýtið að leika gegn sínum gömlu félögum. Satt að segja vissi ég stundum ekki hvort ég væri að fara eða koma.“

[gallery columns="1" size="full" ids="24907"]

&nbsp;

„Hafði allan tímann á tilfinningunni að við værum betri“

Á þessum tíma voru Skagamenn með feykilega öflugt lið, líklega eitt af þeim sterkustu sem teflt hefur verið fram hérlendis fyrr og síðar og þeir fóru í alla leiki til að vinna. „Hugarfarið í liðinu á þessum tíma var þannig að við trúðum því ekki að við gætum tapað leikjum,“ sagði Sigursteinn Gíslason í viðtali um leikinn sem birtist árið 2011. Sigursteinn lék afar vel í leiknum gegn Feyenoord og var einn af bestu mönnum vallarins. „Ég hafði það allan tímann á tilfinningunni að við værum betri. Baráttan var mikil í liðinu og þeir náðu sjaldan að skapa sér færi,“ sagði Lúkas Kostic, fyrirliði ÍA í leiknum. „Við lékum okkar bolta og bárum enga virðingu fyrir þeim. Það þarf kjark og sjálfstraust í svona leik og við höfðum það,“ sagði Guðjón Þórðarson, þjálfari Skagamanna kampakátur í samtali við Morgunblaðið eftir leik.

&nbsp;

Tap í seinni leiknum

Hollandsmeistarar Feyenoord sýndu mátt sinn og megin í síðari leik liðanna í Rotterdam og unnu öruggan 3-0 sigur sem fleytti þeim áfram í næstu umferð keppninnar. ÍA féll þar með úr leik en með mikilli sæmd. Yfir þúsund Íslendingar mættu á völlinn í Rotterdam og vakti það mikla athygli. „Íslensku stuðningsmennirnir sköpuðu frábæar stemningu í bænum og komu Hollendingum á óvart. Það átti enginn von á svona frá litla Íslandi,“ sagði Sigursteinn Gíslason um síðari leikinn.

Aldarfjórðungur síðan ÍA lagði Feyenoord