medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

„Þetta byrjar 22. september, þá verður skólinn opnaður," segir Ólöf Davíðsdóttir listakona í Brákarey í Borgarnesi sem í haust mun söðla hressilega um og setjast á skólabekk í Lýðháskólanum á Flateyri við Önundarfjörð. „Ég verð elst af 30 nemendum sem byrja í skólanum í haust. Næsti á eftir mér er svona rétt um þrítugt.“ Lýðháskólar hafa ætíð verið vinsælir á Norðurlöndunum en einhvern veginn fallið í skugga hér á landi og ekki orðið eins áberandi í skólaflórunni. Lýðháskólar eru þannig starfræktir að þeir henta vel fyrir þá einstaklinga sem vilja til dæmis taka sér hlé frá hefðbundnu námi í menntaskóla eða fyrir einstaklinga sem eru í millibilsástandi í lífinu. Á Flateyri eru engin próf lögð fyrir eða plúsar gefnir fyrir góðan árangur. Í stað þess er lögð áhersla á að prófa hluti, gera hluti og læra af öðrum. Þá er megináherslan sú að hver og einn nemandi uppgötvi og styrki þá einstöku hæfileika sem hver og einn býr yfir í umhverfi sem er fullt af áskorunum. Við Lýðháskólann á Flateyri geta nemendur valið milli tveggja námsbrauta. Námsbrautin Hafið, fjöllin og þú er námsleið fyrir þá sem dreymir um að upplifa náttúruna á nýjan hátt. Þar læra nemendur að ferðast um náttúruna, vinna með hana, nýta, og kanna á öruggan hátt. Námsbrautin, hugmyndin, heimurinn og þú er fyrir nemendur sem vilja þroskast og þróa sig áfram sem skapandi einstaklingar. Þar öðlast nemendurnir færni í ferlum skapandi starfs, allt frá hugmyndavinnu yfir í framkvæmd og miðlun.

„Ég hef mikinn áhuga á ljósmyndun, þá sérstaklega náttúruljósmyndun. Svo langar mig að taka svona hljóðblöndur. Það verður líka boðið upp á námskeið í stuttmyndagerð sem ég er mjög spennt fyrir. Þetta er svo þægilegt fyrir manneskju eins og mig sem er með athyglisbrest,“ segir Ólöf og hlær, en í Lýðháskólanum á Flateyri eru öll námskeið kennd í tveggja vikna hnitmiðuðum lotum. „Við munum fara í fjallgöngur, læra um ferðamálafræði, búskap og sjómennsku. Ég mun fara í kajakróður og svo verður étið beint úr fjörunni og náttúrunni þar sem við lærum hvað jörðin og náttúran hefur upp á að bjóða. Það er ótrúlega margt hægt að gera þarna að það hálfa væri nóg! Svo er þetta einn fallegasti staður á landinu,“ segir hún spennt. “Þetta er svona lífsinsskóli.”

<em>Sjá nánar viðtal við Ólöfu í Skessuhorni vikunnar.</em>

Listakonan Ólöf söðlar um og verður elsti lýðháskólaneminn