medium

large

thumbnail

1536x1536

small

custom-size

Skallagrímur tapaði naumlega fyrir Þór

2048x2048

Grímutölt Borgfirðings fór fram á laugardaginn

Viktor með þrennu í stórsigri Skagamanna

Nýtt póstbox tekið í notkun í Búðardal

Borgfirðingabók komin á Storytel

Hvalfjörður – efnaverksmiðja í bígerð

core/freeform

Búsæld; markaður með mat og handverk, sem rekinn er í samstarfi við Svæðisgarðinn Snæfellsnes í félagsheimilinu Breiðabliki, fagnar um þessar mundir eins árs afmæli. Búsæld, sem á rætur sínar að rekja til sveitamarkaðar á sunnanverðu Snæfellsnesi, var opnuð fyrir ári síðan sem tilraun til þess að reka heilsársaðstöðu fyrir sölu á mat og handverki beint frá býli. „Hér getur handverksfólk af Snæfellsnesi selt vörur sínar gegn aðstöðugjaldi. Einnig fást matvörur beint frá býli sem uppfylla allar gæðakröfur. Búsæld hefur skýra stefnu í umhverfismálum. Lögð er áhersla á íslensk og náttúruleg hráefni við framleiðslu á vörum og eiga umbúðir að vera eins umhverfisvænar og kostur er.  Burðarpokar úr plasti eru ekki í boði en  taupokar framleiddir hjá fjöliðjum á Snæfellsnesi eru seldir í staðinn,“ segir í tilkynningu.

Að sögn aðstandenda Búsældar hefur verkefnið fengið frábærar viðtökur og salan gengið vonum framar. „Aðalviðskiptavinir eru erlent ferðafólk en heimafólk hefur ekki látið sig vanta og er markaðurinn orðinn vinsæll áfangastaður Íslendinga. Í byrjun sumars flutti Búsæld í stærra og endurbætt rými og er búin að stækka og dafna síðan þá. Þeir sem að þessu verkefni koma eru ákveðnir í að halda áfram og vilja bjóða öllum sem eiga leið hjá í heimsókn.  Öðru hvoru má hitta handverksfólk að störfum í Búsæld og t.d. taka þátt í prjónakaffi. Fyrir þá sem vilja frekari upplýsingar um Búsæld er hægt að hafa samband í tölvupósti  breidablikbud@gmail.com eða í gegnum Facebooksíðu Búsældar.“

Búsæld í Breiðabliki er eins árs