medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Nú er hafin vegagerð að væntanlegu brúarstæði yfir Norðlingafljót á Arnarvatnsheiði. Samið hefur verið við Vestfirska verktaka ehf. um að byggja brúna og stendur til að því verki verði lokið fyrir 1. október næstkomandi. Reist verður stálgrindarbrú með timburgólfi milli tveggja hraunklappa við ána, skammt ofan við Helluvað. Verktakar úr Borgarfirði sjá um vegagerðina sem hófst á mánudaginn. Brúarstæði þetta er frá náttúrunnar hendi mjög gott og hefur draumur margra um árabil verið að á þessum stað yrði reist brú. Langt er síðan úthlutað var peningum til verksins en þeir voru meðal annars „lánaðir“ í önnur verk. Það var loks Jón Gunnarsson fv. samgönguráðherra sem beitti sér fyrir því að lokið yrði að fjármagna framkvæmdina og hafinn undirbúningur að útboði.

Norðlingafljót hefur fram til þessa verið helsti farartálmi almennrar umferðar úr Borgarfirði og norður í Miðfjörð um Arnarvatnsheiði. Jepplingafært er nú þessa leið utan Norðlingafljóts, en það er of vatnsmikið til að hægt sé að aka þar yfir nema á vel búnum jeppum. Þá er rennsli í ánni afar mismunandi og getur aukist verulega eftir heita sumardaga þegar snjóbráð er mikil úr jöklunum. Af þeim sökum hefur oft legið við slysi þegar óvant ferðafólk hefur fest bíla sína í fljótinu. Snorri Jóhannesson, bóndi á Augastöðum og veiðivörður á Arnarvatnsheiði, fagnar því að loks hylli undir brúargerðina sem hann segir löngu tímabæra. „Það hefur lengi verið barist fyrir því að lögð verði brú yfir Norðlingafljót. Hún mun skapa fjölmörg tækifæri í ferðaþjónustu og tengir saman sýslurnar. Ekki síst eykur hún þó öryggi ferðafólks, en ég efast um að fólk geri sér almennt grein fyrir hversu oft hefur legið við stórslysum þarna í fljótinu. Brú ofan við Helluvað hefur auk þess verið á skipulagi fyrir hálendið til fjölda ára. Fyrir Veiðifélag Arnarvatnsheiðar getur þetta þýtt aukna umferð og um leið bætt þjónustu við fólk sem vill njóta náttúrunnar og fengsælla veiðivatna á Arnarvatnsheiði,“ segir Snorri Jóhannesson.

[caption id="attachment_24363" align="alignnone" width="300"]<img class="wp-image-24363 size-medium" src="https://skessuhorn.is/wp-content/uploads/2018/08/Vegað-að-nýju-brúarstæði-á-Norðlingafljóti_2-600x421.jpg" alt="" width="300" height="211" /> Byrjað var að vega að brúarstæðinu sunnan ár á mánudaginn. Þar var í morgun rigning dumbungur. Ljósm. ibr.[/caption]

Undirbúningur hafinn að brúargerð yfir Norðlingafljót