medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Veðrið lék við Dalamenn og aðra gesti í Ólafsdal síðastliðinn laugardag þegar hin árlega Ólafsdalshátíð var haldin. Flestir gátu fundið eitthvað við sitt hæfi á dagskránni en hún hófst með gönguferð með leiðsögn um dalinn. Þá héldu Eyjólfur Ingvi Bjarnason, oddviti Dalabyggðar, og Auður Axelsdóttir, forstöðukona Hugarafls og afkomandi Torfa skólastjóra og Guðlaugar í Ólafsdal, ávörp auk þess sem Birna Lárusdóttir færði nýjustu fréttir af uppgreftri á fornminjum í dalnum. Þar hefur verið tryggt fjármagn til áframhaldandi vinnu næstu tvö sumur.

Bjarni Guðmundsson, prófessor og fræðimaður á Hvanneyri, var kynnir á hátíðinni en hann flutti einnig erindi um súrheysverkun Torfa í Ólafsdal á nítjándu öld. Heyverkunaraðferð sem varð vinsæl í votum sumrum líkt og bændur á Vesturlandi hafa glímt við núna fyrri hluta sumars. Þá var Ólafsdalshappadrætti og handverks- og matarmarkaður með lífrænt ræktuðu Ólafsdalsgrænmeti, kræklingi frá Nesskel og hinum margrómaða Erpsstaðaís svo eitthvað sé nefnt.

Sumaropnun verður í Ólafsdal fram á næstu helgi en í kjölfar þess mun Minjavernd vinna hörðum höndum að endurgerð á gamla mjólkurhúsinu ásamt fleiri verkefnum fram á haust.

Fjölbreytt dagskrá á Ólafsdalshátíð