medium

large

thumbnail

1536x1536

small

custom-size

Ekki byrði heldur virði – virkara og hraustara eldra fólk

2048x2048

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

core/freeform

Síðastliðinn mánudagsmorgun undirrituðu Sveinn Þór Elinbergsson, forstöðumaður Félags- og skólaþjónustu Snæfellinga, og Sævar Harðarson forstjóri Skipavíkur, samning um byggingu og langtímaleigu Ásbyrgis, dagþjónustu- og hæfingarstöðvar sem reist verður við Aðalgötu 22 í Stykkishólmi. Um er að ræða 240 fermetra byggingu sem hönnuð er út frá starfseminni sem fram fer í Ásbyrgi.

„Þetta mun hafa gífurlega mikla þýðingu fyrir okkur. Þarna verðum við á mun betri stað og í góðu göngufæri frá annarri þjónustu og vinnustöðum í bænum,“ segir Sveinn í samtali við Skessuhorn. „Almenningur mun jafnframt hafa greiðari leið að þjónustunni okkar og auðveldara verður að koma með efni til okkar sem nýtist á vinnustofunum. Markmið okkar er að vera sýnileg og glöð.  Því eru gestir og gangandi jafnan velkomnir til okkar.“

Í Ásbyrgi er rekin dagsþjónusta, hæfing og vinnustofa fyrir fatlað fólk og aðra með skerta starfsgetu. Í samvinnu við Vinnumálastofnun aðstoðum við fólk við að fá heppilega vinnu á grundvelli örorkusamninga á almennum vinnumarkaði, úr degi eða hluta úr viku, með eða án aðstoðar  og því mun nýja staðsetning starfseminnar koma flestum vel sem hana kunna að nýta. Gert er ráð fyrir afhendingu á húsinu í maímánuði á næsta ári.

Ásbyrgi fær nýtt húsnæði – samið við Skipavík