medium

large

thumbnail

small

custom-size

Bjarki Pétursson varð í sjöunda sæti

1536x1536

Snæfell kom sér inn í einvígið gegn Tindastóli

Gleði og glaumur á söngleiknum Grease

2048x2048

Kallað eftir tilnefningum til foreldraverðlauna

Fellsströndin og Gullni söguhringurinn

Salmonella í kjúklingi frá Matfugli

core/freeform

ÍA lyfti sér á toppinn í 1. deild karla í knattspyrnu með 2-1 útisigri á Njarðvík á fimmtudagskvöld.

Heimamenn voru ívið sprækari í blábyrjun leiksins en það voru engu að síður Skagamenn sem skoruðu fyrsta markið. Kom það strax á 9. mínútu þegar Jeppe Hansen fékk þá boltann rétt fyrir framan miðjubogann. Hann var ekkert að hika við hlutina heldur geystist af stað, alla leið inn í vítateig heimamanna og þrumaði boltanum í fjærhornið.

Markið hleypti miklu lífi í leikinn og gerðu Skagamenn sig líklega til að bæta við öðru marki. En Njarðvíkingar vörðust fimlega og voru þéttir fyrir. Þungar sóknir Skagamanna skiluðu því ekki árangri og staðan var 1-0 fyrir ÍA þegar flautað var til hálfleiks.

Skagamenn byrjuðu síðari hálfleikinn af krafti og voru snöggir að bæta við marki þegar Einar Logi Einarsson skoraði eftir hornspyrnu á 52. mínútu. Stuttu síðar fékk ÍA dauðafæri en Robert Blakala í marki Njarðvíkur varði meistaralega.

Eftir þetta tók leikurinn að róast og dró ekki til tíðinda fyrr en á 88. mínútu þegar Þórður Þorsteinn Þórðarson varð fyrir því óláni að skora sjálfsmark. Heimamenn tóku innkast og Þórður ætlaði að hreinsa boltann frá með sporðdrekaspyrnu. Fór ekki betur en svo að hann sendi boltann í eigið net. Njarðvíkingar vöknuðu til lífsins og gerðu lokatilraun til að jafna metin. Litlu munaði að þeim tækist það eftir hornspyrnu í uppbótartíma en Skagamenn björguðu á línu. Lokatölur urðu því 2-1, ÍA í vil.

Skagamenn hafa 33 stig í toppsæti deildarinnar, stigi meira en HK í sætinu fyrir neðan. Næst leikur ÍA á morgun, þriðjudaginn 14. ágúst, þegar liðið mætir Fram á Akranesvelli.

Skagamenn tylltu sér á toppinn