medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Reykholtshátíð,sem haldin er síðustu helgina í júlí ár hvert, hefst í kvöld  og stendur til fram á sunnudag. Er þetta í 22. skipti sem hátíðin er haldin og að vanda er dagskráin afar fjölbreytt og skemmtilegt. „Í ár munu eingöngu koma fram íslenskir listamenn en bæði erlendir og íslenskir listamenn hafa komið fram á hátíðinni í gegnum árin,“ segir Valgerður Guðrún Halldórsdóttir kynningarstjóri Reykholtshátíðar í samtali við Skessuhorn. Opnunartónleikar hátíðarinnar verða á klukkan 20:00 í kvöld þegar Kristinn Sigmundsson söngvari kemur fram í fyrsta sinn á Reykholtshátíð. Með honum verður Anna Guðný Guðmundsdóttir píanóleikari auk fleiri hljóðfæraleikara. „Það er mjög ánægjulegt að fá þau Kristinn og Önnu Guðnýju til að opna hátíðina. Þetta eru reyndir listamenn sem eru tónlistarunnendum vel kunnugir og þekkt fyrir að ná afar góðu sambandi við áheyrendur. Á tónleikunum munu þau flytja ljóðaflokka eftir Robert Schumann og Ralph Vaughan Williams auk þess sem þau munu flytja nokkur af Jónasarlögum Atla Heimis Sveinssonar sem hann samdi við ljóð og þýðingar Jónasar Hallgrímssonar,“ segir Valgerður.

&nbsp;

Verk eftir Bartók flutt í fyrsta sinn hér á landi

Á morgunverða tvennir tónleikar, þeir fyrri verða kórtónleikar með Söngflokknum Hljómeyki undir stjórn Mörtu Guðrúnar Halldórsdóttur. „Prógrammið á þeim tónleikum verður í anda fullveldishátíðarinnar þar sem eingöngu verða flutt íslenskar kórperlur eftir mörg af okkar helstu tónskáldum,“ segir Valgerður. Á seinni tónleikum morgundagsins munu hljóðfæraleikarar Reykholtshátíðar koma fram í ýmsum hljóðfærasamsetningum og flytja verk eftir Mozart og Bartók. „Nokkrir hljóðfæraleikaranna hafa komið fram á Reykholtshátíð í mörg ár og er það nánast orðinn fastur liður hjá þeim að koma á hátíðina og njóta sveitasælunnar síðustu helgina í júlí. Svo er gaman að segja frá því að Pétur Björnsson fiðluleikari er einn hljóðfæraleikaranna. Hann er heimamaðurinn í hópnum, fæddur og uppalinn á Hvanneyri. Kammersveitin mun m.a. flytja verk eftir Bartók sem ekki hefur verið flutt hér á landi áður. Verkið samdi hann aðeins 23 ára gamall en dró það svo til baka fljótlega. Verkið gleymdist í kjölfarið en hefur verið í endurreisn undanfarin ár,“ segir Valgerður.

&nbsp;

Að upplifa yndislega tónlist í fallegu umhverfi

Hátíðinni lýkur með hátíðartónleikum sem hefjast klukkan 16:00 á sunnudeginum. „Þessir tónleikar eru liður í afmælisdagskrá vegna hundrað ára afmælis fullveldis Íslands. Yfirskrift tónleikanna er „Fullveldi í 100 ár – Íslensk kammertónlist frá 1918-2018“ og munu allir flytjendur á hátíðinni koma þar fram. Guðni Tómasson útvarpsmaður kynnir og mun hann leiða áheyrendur í gegnum söguna þessi 100 ár sem liðin eru frá því Ísland varð fullvalda ríki,“ segir Valgerður.

Listrænn stjórnandi hátíðarinnar er Sigurgeir Agnarsson sellóleikari en hann er einnig leiðari sellódeilar Sinfóníuhljómsveitar Íslands. „Það er mjög gaman að öllum þessum listamönnum finnist eftirsóknarvert að taka þátt í viðburði eins og Reykholtshátíð, það er heilmikill fengur fyrir menningarlífið hér á Vesturlandi.“

&nbsp;

Að gera sér dagamun

Að sögn Valgerðar hefur miðasala gengið vel en hægt er að nálgast miða á <a href="http://www.midi.is">www.midi.is</a>. Hægt er að kaupa miða á staka tónleika eða hátíðarpassa sem gildir á alla tónleikana. Einnig er hægt að kaupa afsláttarmiða sem gildir á þrenna tónleika að eigin vali. „Hátíðin á sína fastagesti sem koma ár hvert en við vonumst alltaf til að sjá ný andlit líka. Þetta er hátíð sem allir ættu að geta haft gaman af. Dagskráin er mjög áheyrileg og eru efnisskrár tónleikanna aðgengilegar á nýrri heimasíðu hátíðarinnar, reykholtshatid.is. Einnig bendum við á lagalista á Spotify ef fólk vill kynna sér verkin sem flutt verða á hátíðinni. Það er um að gera að gera sér dagamun, njóta sveitasælunnar hér í Borgarfirði og hlusta á hæfileikaríkt tónlistarfólk í Reykholtskirkju. Þó umgjörðin gæti virst formleg er engin krafa um að áheyrendur komi í sínu fínasta pússi á tónleikana, það er vel hægt að koma beint út tjaldinu eða bústaðnum. Upplifunin felst í að hlusta á þessa yndislegu tónlist, flutta af færustu tónlistarmönnum í þessu fallega umhverfi.“ segir Valgerður að endingu.

Reykholtshátíð hefst í kvöld