medium

large

thumbnail

1536x1536

2048x2048

small

custom-size

Skíðasvæði Snæfellsness blæs í herlúðra

Lokakeppni Vesturlandsdeildar 2024

Snæfell tapaði fyrir Fjölni í körfunni

Háskólinn á Bifröst – uppskeruhátíð nýsköpunar

Frítekjumark námsmanna hækkar og ábyrgðarmannakerfið kvatt

Undirskrifaður samningur Borgarbyggðar og Sjamma ehf

core/freeform

Snæfell tapaði naumlega fyrir Gnúpverjum, 99-95, eftir kaflaskiptan leik liðanna í 1. deild karla í körfuknattleik á laugardag. Leikið var í Fagralundi í Kópavogi, þar sem sunnanmenn leika heimaleiki sína.

Gnúpverjar voru mun sterkari í upphafsfjórðungnum en Snæfellingum gekk illa að finna taktinn. Fyrir vikið leiddu heimamenn 22-12 eftir fyrsta leikhluta. Snæfellingar voru sterkari í öðrum leikhluta en tókst þó ekki að taka forystuna í leiknum. Þeir minnkuðu muninn í sex stig seint í fyrri hálfleik, 38-32 og Gnúpverjar leiddu með sjö stigum í hléinu, 47-40.

Snæfellingar mættu ákveðnir til síðari hálfleiks og komu sér strax upp að hlið Gnúpverja. Þeir tóku síðan forystunna eftir miðjan þriðja leikhluta og komust mest sjö stigum yfir, 53-60. Gnúpverjar áttu lokaorðið í fjórðungnum, minnkuðu muninn í eitt stig fyrir fjórða leikhluta, 64-65 og leikurinn í járnum. Gnúpverjar komust yfir í byrjun lokafjórðungsins og liðin fylgdust að næstu mínútur. Heimamenn tóku síðan að síga fram úr og voru komnir níu stigum yfir þegar leikhlutinn var hálfnaður. Þeir misstigu sig ekki á lokasprettinum, jafnvel þó Snæfell hafi gert atlögu að forystunni undir lokinn. Lokatölur urðu 99-95, Gnúpverjum í vil.

Christian Covile átti stórleik fyrir Snæfell, skoraði 37 stig, tók tíu fráköst og stal boltanum fimm sinnum. Geir Elías Úlfur Helgason kom honum næstur með 19 stig, Viktor Marinó Alexandersson skoraði 15 stig og tók fimm fráköst og Nökkvi Már Nökkvason var með tíu stig.

Everage Lee Richardsson átti risaleik fyrir Gnúpverja og daðraði við þrennuna. Hann skoraði 47 stig, tók 15 fráköst og gaf átta stoðsendingar. Atli örn Gunnarsson var með tólf stig og sjö fráköst og Bjarni Geir Gunnlaugsson ellefu stig og fimm fráköst.

Snæfell hefur 24 stig og hefur tryggt sér í fimmta sæti deildarinnar, sem gefur sæti í úrslitakeppninni um eitt laust sæti í úrvalsdeild, þegar einn leikur er eftir í deildinni. Hann fer fram á föstudaginn þegar Snæfell mætir Breiðabliki í Stykkishólmi.

Snæfell tapaði naumlega gegn Gnúpverjum